L'administraziun chantunala – ina patruna moderna per collavuraturas motivadas e collavuraturs motivads sco Vus.
valitadra u valitader d'immobiglias (80–100 %)

Uffizi per la valitaziun d'immobiglias

Hartbertstrasse 10

7001 Cuira

Voss champ d'incumbensas: L'Uffizi per la valitaziun d'immobiglias fa las valitaziuns uffizialas da bains immobigliars en il chantun. Independentamain faschais Vus valitaziuns d'edifizis d'abitar e d'immobiglias en proprietad en condomini sco er d'interpresas industrialas. Ultra da quai cussegliais Vus las proprietarias ed ils proprietaris d'immobiglias en dumondas da valitaziun. Vus avais a disposiziun in program da valitaziun modern, ed in team administrativ spezialisà As gida a preparar ed a realisar Vossas incumbensas.

Voss profil: Vus avais terminà ina scolaziun sco architecta u architect, sco dissegnadra u dissegnader da construcziun auta, sco manadra u manader da construcziun, sco scheffa u schef da construcziun, sco capolavurera u capolavurer, sco administratura u administratur d'immobiglias ubain ina scolaziun equivalenta. Vus avais fatg ina furmaziun supplementara sco valitadra u valitader d'immobiglias u essas pronta u pront d'absolver ina furmaziun supplementara specifica per questa professiun. Vus essas ina persuna flexibla ch'è abla da supportar squitsch e da lavurar en in team ed avais ina demananza curtaschaivla. Bunas enconuschientschas dal computer cumpletteschan Voss profil.

Grad d'occupaziun: 80–100 %

Cumenzament da la lavur: 1. da zercladur 2022 u tenor cunvegna

Lieu da lavur: Cuira

Termin d'annunzia: 31 da schaner 2022

Persuna da contact: Silvia Jenal, telefon 081 257 38 46, silvia.jenal@aib.gr.ch

Nus ans legrain da Vossa annunzia electronica cumpletta.