L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader da las exchavaziuns archeologicas (80–100 %)

Uffizi da cultura / Servetsch archeologic

Gürtelstrasse 89

7001 Cuira

Voss champ d'incumbensas: Vus faschais independentamain exchavaziuns da salvament, analisas architectonicas archeologicas e controllas da plazzals en tut il territori chantunal dal Grischun. En quest connex essas Vus responsabla u responsabel per planisar, per organisar e per realisar quellas lavurs areguard il cuntegn, areguard las finanzas ed areguard la tecnica ed instruis las persunas che collavuran en il rom da Voss projects. Da cas en cas essas Vus la persuna da contact per las autoritads e per las patrunas ed ils patruns da construcziun. Tar Vossas incumbensas tutgi ultra da quai da far ina documentaziun scientifica correcta, da rediger rapports d'examinaziun sco er d'archivar en moda correcta tut las datas. Vus As participais a l'ulteriur svilup concepziunal sco er tecnic e metodic dal sectur spezial. Rediger resp. collavurar situativamain en l'elavuraziun da rapports e da publicaziuns scientificas fa medemamain part da Voss spectrum d'incumbensas. Plinavant infurmais Vus la publicitad davart ils resultats da Vossa lavur.

Voss profil: Vus essas tecnicista u tecnicist d'exchavaziuns archeologicas cun attestat professiunal federal u avais absolvì in studi d'archeologia. Vus avais experientscha da plirs onns en la planisaziun ed en la direcziun da projects d'exchavaziun archeologica e d'analisas architectonicas, e quai dal temp preistoric fin il temp modern. Vus savais lavurar en teams da differenta grondezza, manar ed instruir quels. Ma Vus essas er en cas da surpigliar a curta vista e suletta u sulet incumbensas pli pitschnas (p.ex. accumpagnaments da construcziun, sondagis). Vus enconuschais differentas metodas da la documentaziun digitala ed actuala da las exchavaziuns (CAD, fotogrammetria – da preferenza BricsCAD / ArchäoCAD) e savais ir enturn cun ils instruments da mesiraziun actuals (Leica GNSS, Totalstationen, e.u.v.). Ultra da quai avais Vus experientscha cun sistems da bancas da datas per registrar datas archeologicas textualas e visualas (preferì IMDAS/IMS). Vus lavurais en moda independenta, fidada ed exacta. Plinavant essas Vus ina persuna flexibla, communicativa e socialmain cumpetenta, avais l'abilitad da supportar squitsch ed ina buna expressiun a bucca ed en scrit en tudestg. Vus disponis d'in permiss da manischar da la categoria B. Fitg bunas enconuschientschas d'ina segunda, eventualmain er da la terza lingua chantunala cumpletteschan en il cas ideal Voss profil.

Grad d'occupaziun: 80–100 %

Cumenzament da la lavur: 1. da matg 2022

Lieu da lavur: Cuira

Termin d'annunzia: 6 da favrer 2022

Persuna da contact: Christoph Walser, telefon 081 257 48 57, christoph.walser@adg.gr.ch

Nus ans legrain da Vossa annunzia electronica cumpletta.