Plazza d'emprendissadi sco commerzianta u commerziant en il Moesano (modus da rotaziun)
Ti organiseschas sesidas, tgiras la correspundenza, fas protocols e notizias d'acta, has contact telefonic e direct cun la clientella interna ed externa, legias actas e ta procuras infurmaziuns. Ti gidas en la contabilitad e sas interpretar in preventiv. En tia lavur quotidiana vegns ti sustegnida/sustegnì da sistems moderns da communicaziun e d'informatica.
Modus da rotaziunEn quest model midas ti mintga onn il post da servetsch. A la fin da tia scolaziun has ti uschia ina vasta savida davart l'administraziun chantunala.
L'administraziun chantunala dal Grischun porscha en collavuraziun cun la vischnanca da Grono a partir da l'avust 2023 ina plazza d'emprendissadi en il modus da rotaziun. Ti absolvas il 1. onn d'emprendissadi tar la vischnanca da Grono, il 2. onn d'emprendissadi tar l'Uffizi da construcziun bassa dal Grischun, district 2 Mesauc, ed il 3. onn d'emprendissadi tar l'Uffizi per industria, mastergn e lavur a Roveredo.
Na ponderescha betg ditg, mabain t'annunzia anc oz sut www.lehre.gr.ch. Ulteriuras infurmaziuns sco er videos davart las singulas professiuns chattas ti medemamain sin nossa pagina d'internet. Sche ti has anc dumondas u vulessas savair dapli davart la professiun giavischada, lura dà simplamain in telefon:
Uffizi da persunal dal Grischun, Raffaella Bacchi, telefon 081 257 32 38
Nus ans legrain da tia annunzia cun il curs da la vita e cun ina fotografia sco er cun ils quatter ultims attestats da scola. Ta preschenta curtamain en ina brev e mussa, pertge che nus duessan tscherner gist tai sco proxima emprendista u proxim emprendist.