L'administraziun chantunala – ina patruna moderna per collavuraturas motivadas e collavuraturs motivads sco Vus.
psicologa u psicolog da scola (60–80 %)

Uffizi per la scola populara ed il sport, Servetsch psicologic da scola

Quaderstrasse 17

7000 Cuira

Voss champ d'incumbensas: Sco part d'in pitschen team lavurais Vus al post regiunal da Landquart. Vus cussegliais geniturs, persunas d'instrucziun, direcziuns da scola ed autoritads en dumondas che pertutgan la scola e l'educaziun. Vossas incumbensas en il Servetsch psicologic da scola cumpiglian analisas psicodiagnosticas e l'accumpagnament d'uffants e da giuvenils. Ultra da quai cumpiglia Voss champ d'activitad er l'elavuraziun d'expertisas, la prevenziun e la collavuraziun en projects. Vus participais als perfecziunaments ed a la supervisiun ch'il Servetsch psicologic da scola porscha internamain per sustegnair las collavuraturas ed ils collavuraturs.

Voss profil: Per questa activitad variada e pretensiusa avais Vus terminà in studi da psicologia. Vus avais experientschas en la diagnostica ed en la cussegliaziun sco er enconuschientschas da la psicologia d'uffants e da giuvenils. Vus essas ina persunalitad independenta e cooperativa ch'è abla da supportar squitsch.

Grad d'occupaziun: 60–80 %

Cumenzament da la lavur: 1. da matg 2022 u tenor cunvegna

Lieu da lavur: Landquart

Termin d'annunzia: 30 da schaner 2022

Persuna da contact: Georges Steffen, telefon 081 257 27 41, georges.steffen@avs.gr.ch

Nus ans legrain da Vossa annunzia electronica cumpletta.