L'administraziun chantunala – ina patruna moderna per collavuraturas motivadas e collavuraturs motivads sco Vus.
inschignera forestala regiunala u inschigner forestal regiunal e spezialista u spezialist da privels da la natira (80–100 %)

Uffizi da guaud e privels da la natira

Ringstrasse 10

7000 Cuira

Voss champ d'incumbensas: Sco inschignera forestala regiunala u inschigner forestal regiunal As occupais Vus da la vischnanca da Glion che As è attribuida.

En quest connex exequis Vus la legislaziun forestala federala e chantunala e procurais che las funcziuns dal guaud vegnian ademplidas il meglier pussaivel. Sco spezialista u spezialist da privels da la natira manais Vus projects correspundents en la regiun Surselva. Tranter auter essas Vus responsabla u responsabel per far – en moda separada per mintga privel (process) – chartas da privel ed analisas da las ristgas. Vus cussegliais vischnancas, persunas privatas ed auters posts en dumondas dal management integral dals privels da la natira. Plinavant essas Vus commembra u commember da la Cumissiun da privel 1 (Surselva e Val dal Rain / Scanvetg).

Voss profil: Vus possedais in diplom d'inschignera forestala u inschigner forestal SAS u SPF u in diplom da master en scienzas natiralas SPF cun ina spezialisaziun en management dal guaud e da la cuntrada. En il cas ideal avais Vus ina savida selviculturala fundada ed experientschas da plirs onns en il sectur dals privels da la natira. Vus essas ina persunalitad iniziativa ed averta ch'è disada da lavurar a favur da soluziuns. Vus communitgais en moda segira en tudestg (a bucca ed en scrit), savais As far valair, savais surpigliar responsabladad directiva ed esser ina pitga impurtanta en noss team motivà. Enconuschientschas da la lingua rumantscha èn giavischadas.

Grad d'occupaziun: 80–100 %

Cumenzament da la lavur: 1. d'avust 2022 u tenor cunvegna

Lieu da lavur: Glion

Termin d'annunzia: 31 da schaner 2022

Persuna da contact: Renaldo Lutz, telefon 081 257 64 15, renaldo.lutz@awn.gr.ch u Antonio Crisci, telefon 081 257 38 54, antonio.crisci@awn.gr.ch

Nus ans legrain da Vossa annunzia electronica cumpletta.