L'administraziun chantunala – ina patruna moderna per collavuraturas motivadas e collavuraturs motivads sco Vus.

manadra u manader da project per il traffic public (80–100 %) (plazza limitada fin ils 31 da december 2024)

Uffizi d'energia e da traffic

Ringstrasse 10

7001 Cuira

Voss champ d'incumbensas: Vus elavurais e tgirais in project pli grond dal traffic public en il chantun Grischun. I sa tracta d'ina nova publicaziun da servetschs da transport, cumbinada cun la revisiun precedenta da la planisaziun da la purschida correspundenta. Voss champ d'incumbensas cumpiglia la direcziun generala dal project, l'accumpagnament da la procedura da publicaziun e da surdada sco er l'elavuraziun da propostas, da rapports e da posiziuns. Vus essas il center e la persuna da contact da quest project cumplex. Ultra da quai tractais Vus ils temas da l'infrastructura da traffic, tgirais projects da mobilitad e manais contractivas cun partenarias e partenaris e cun interpresas da transport. En cas d'ina buna furniziun da prestaziuns exista l'opziun d'entrar en ina plazza fixa suenter la fin dal project.

Voss profil: Sco manadra u manader da project per il traffic public avais Vus en il cas ideal enconuschientschas specificas dal traffic public sco er experientschas cun elavurar independentamain dumondas concepziunalas. D'avantatg avais Vus in'experientscha professiunala sin il champ dal traffic public ed avais interess d'ina collavuraziun interdisciplinara. Cun Vossas enconuschientschas da l'economia da manaschi elavurais Vus soluziuns per dumondas d'interpresa cumplexas. Dun da contractar ed inschign en il contact cun las autoritads, cun las federaziuns e cun las interpresas da transport cumpletteschan Voss profil. Premess vegni che Vus sappias fitg bain tudestg a bucca ed en scrit. Bunas enconuschientschas dal talian e/u dal rumantsch fissan in avantatg.

Grad d'occupaziun: 80–100 %

Cumenzament da la lavur: 1. d'avrigl 2022

Lieu da lavur: Cuira

Termin d'annunzia: 22 da schaner 2022

Persuna da contact: Thierry Müller, telefon 081 257 36 04, thierry.mueller@aev.gr.ch

Nus ans legrain da Vossa annunzia electronica cumpletta.