L'administraziun chantunala – ina patruna moderna per collavuraturas motivadas e collavuraturs motivads sco Vus.
secretaria u secretari (60–70 %)

Uffizi d'agricultura e da geoinfurmaziun

Ringstrasse 10

7001 Cuira

Voss champ d'incumbensas: Il UAG cun sias circa 50 collavuraturas e collavuraturs è responsabel per exequir la politica agrara da la Confederaziun, surveglia las meglieraziuns da structura en l'agricultura sco er ils biros dals inschigners geometers e maina il sistem d'infurmaziun geografica dal chantun. L'administraziun è l'element central per il sustegn da la direcziun da l'uffizi. Sco nova collavuratura u nov collavuratur sustegnais Vus en in pitschen team las partiziuns da l'uffizi en lur incumbensas multifaras ed interessantas ed en tut las activitads administrativas. Vus liquidais independentamain lavurs pretensiusas da secretariat e tgirais ils cuntegns da la pagina d'internet.

Voss profil: Vus avais terminà in emprendissadi commerzial u ina scolaziun equivalenta ed avais fitg bunas enconuschientschas dal computer, en spezial da Microsoft Office; d'avantatg èn experientschas en il management da web-content sco er cun la software d'administraziun CMI Axioma. Plinavant avais Vus experientschas praticas dal sectur da secretariat ed in bun dun organisatoric. Ina moda da lavurar independenta, fidada ed exacta sco er in bun dun receptiv As distinguan. Vus essas ina persuna flexibla ch'è abla da supportar squitsch. I vegn premess che Vus sappias fitg bain tudestg a bucca ed en scrit e che Vus hajas, sche pussaivel, enconuschientschas dal rumantsch e/u dal talian.

Grad d'occupaziun: 60–70 %

Cumenzament da la lavur: 1. d'avrigl 2022 u tenor cunvegna

Lieu da lavur: Cuira

Termin d'annunzia: 17 da schaner 2022

Persuna da contact: Sven Schegg, telefon 081 257 24 55, sven.schegg@alg.gr.ch

Nus ans legrain da Vossa annunzia electronica cumpletta.