L'administraziun chantunala – ina patruna moderna per collavuraturas motivadas e collavuraturs motivads sco Vus.
planisadra cirquitala u planisader cirquital (80–100 %)

Uffizi per il svilup dal territori

Ringstrasse 10

7001 Cuira

Voss champ d'incumbensas: En la partiziun Planisaziun d'utilisaziun e construcziun ordaifer las zonas da construcziun lavurais Vus tar il circul da planisaziun "Sid" cun in team da trais ulteriuras collavuraturas e collavuraturs. Vus essas cumpetenta u cumpetent per la cussegliaziun da las vischnancas e lur biros da planisaziun en las regiuns Bernina, Malögia, Moesa e Viamala. Vus essas en spezial l'emprima persuna da contact en cas da dumondas dal svilup territorial, da la planisaziun d'utilisaziun e dal construir ordaifer las zonas da construcziun (EOZ). Vus examinais preliminarmain las planisaziuns d'utilisaziun communalas ed elavurais dumondas correspundentas per mauns da l'autoritad d'approvaziun. Vus giuditgais dumondas EOZ, redigis permissiuns EOZ e prendais posiziun davart projects relevants per il territori. La finala accumpagnais Vus singuls process d'impurtanza locala speziala.

Voss profil: Vus avais terminà in studi da basa ad ina scola auta u ad ina scola auta spezialisada (da preferenza sco planisadra u planisader dal territori, sco architecta u architect ubain sco inschignera u inschigner) u avais fatg ina scolaziun equivalenta ed avais intgins onns experientscha professiunala. Ultra d'enconuschientschas professiunalas fundadas avais Vus ina buna expressiun a bucca ed en scrit. Abilitad da lavurar en in team, atgna iniziativa, plaschair da contact, avertadad ed abilitad da supportar squitsch sco er ina moda da lavurar ch'è orientada a la clientella ed al consens cumpletteschan Voss profil. Bunas enconuschientschas dal chantun Grischun èn giavischadas gist uschia sco experientschas u enconuschientschas da l'urbanistica e da l'architectura. Sche las qualificaziuns èn equivalentas, vegnan preferids las candidatas ed ils candidats cun enconuschientschas dal talian a bucca ed en scrit.

Grad d'occupaziun: 80–100 %

Cumenzament da la lavur: 1. da matg 2022 u tenor cunvegna

Lieu da lavur: Cuira

Termin d'annunzia: 31 da schaner 2022

Persuna da contact: Alberto Ruggia, telefon 081 257 23 30, personal@are.gr.ch

Nus ans legrain da Vossa annunzia electronica cumpletta.