L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader da project per meglieraziuns da la structura agricula (meglieraziuns) (80–100 %)

Uffizi d'agricultura e da geoinfurmaziun

Ringstrasse 10

7001 Cuira

Voss champ d'incumbensas: Mesiras per meglierar la structura èn da gronda impurtanza per il svilup agricul e per il mantegniment dals abitadis decentrals e da la cuntrada cultivada. Numerusas meglieraziuns generalas, renovaziuns da vias champestras e projects – sco provediments d'aua d'alp e d'electricitad, pendicularas da material u restabiliments suenter malauras – èn en planisaziun u en realisaziun. Sco manadra u manader da project avais Vus, en in team da tschintg collavuraturas e collavuraturs, la surveglianza tecnica, administrativa e finanziala dals projects. Vus examinais ils projects e cussegliais las patrunas ed ils patruns da construcziun sco er ils biros d'inschigneria en dumondas tecnicas e giuridicas. Vus coordinais ils projects cun ils posts da servetsch chantunals, cun l'Uffizi federal d'agricultura e cun las ulteriuras organisaziuns involvidas. En in team entaifer il post da servetsch cooperais Vus a l'ulteriur svilup da la ICT.

Voss profil: Vus avais in diplom d'ina scola auta u d'ina scola auta spezialisada sco inschignera u inschigner en ils secturs tecnica culturala, geomatica, construcziun, agronomia, guaud u ambient. Vus avais plaschair da gidar a concepir il territori rural. En ina posiziun da responsabladad tgirais Vus contacts persunals multifars cun las clientas ed ils clients ed essas – durant la perioda cun vegetaziun – er savens en il champ. Buna abilitad da communitgar, forza da persvader sco er abilitad da lavurar en moda flexibla, interdisciplinara ed orientada a process tutgan tar Vossas fermezzas ed As motiveschan. Dumondas dal dretg e da la planisaziun dal territori èn per Vus ina motivaziun, gist uschia sco temas concrets da la tecnica da construcziun. En il cas ideal avais Vus enconuschientschas dal rumantsch u dal talian, in flair per temas ICT e la patenta da geometra u geometer.

Grad d'occupaziun: 80–100 %

Cumenzament da la lavur: 1. da matg 2022 u tenor cunvegna

Lieu da lavur: Cuira

Termin d'annunzia: 17 da schaner 2022

Persuna da contact: Moreno Bonotto, telefon 081 257 24 57, moreno.bonotto@alg.gr.ch

Nus ans legrain da Vossa annunzia electronica cumpletta.