L'administraziun chantunala – ina patruna moderna per collavuraturas motivadas e collavuraturs motivads sco Vus.
referendaria u referendari per la protecziun da las auas e per las proceduras EOZ (80–100 %)

Uffizi d'agricultura e da geoinfurmaziun

Ringstrasse 10

7001 Cuira

Voss champ d'incumbensas:Vus elavurais las differentas mesiras per il mantegniment funcziunal ed architectonic da la protecziun da las auas en l'agricultura e sustegnais la realisaziun dal project per controllar ils indrizs da ladim. Vus giuditgais dumondas da construcziun ordaifer la zona da construcziun (EOZ) ord vista da l'agricultura e sustegnais il manader dal ressort tar l'execuziun dals pajaments directs, en il sectur dal dretg funsil e dal dretg da fittanza sco er tar consultaziuns en connex cun la planisaziun dal territori.

Voss profil: Per questas incumbensas variadas avais Vus terminà ina scolaziun da basa en l'agricultura cun ina scolaziun spezialisada supplementara (attestat professiunal ubain agrotecnicra u agrotecnicher SSS, diplom SAS) ubain ina scolaziun equivalenta. Experientscha pratica en l'agricultura ed en il management da projects cumpletteschan Voss profil. Vus essas disada u disà da lavurar en moda independenta e tgirais in contact bainvulent, cler ed intenziunà cun la clientella. Vus communitgais en moda averta e cumpetenta. In bun dun da contractar, fidadadad ed ina gronda prontezza da furnir prestaziuns en in team motivà èn ulteriuras da Vossas caracteristicas. Experientschas en ils fatgs da construcziun èn d'avantatg.

Grad d'occupaziun:80–100 %

Cumenzament da la lavur:1. da favrer 2022 u tenor cunvegna

Lieu da lavur: Cuira

Termin d'annunzia: 20 da december 2021

Persunas da contact: Peter Vincenz, telefon 081 257 24 01, peter.vincenz@alg.gr.ch ubain Konrad Merk, telefon 081 257 24 06, konrad.merk@alg.gr.ch 

Nus ans legrain da Vossa annunzia electronica cumpletta.