L'administraziun chantunala – ina patruna moderna per collavuraturas motivadas e collavuraturs motivads sco Vus.
spezialista u spezialist d'infurmaziun ubain istoricra u istoricher en la Biblioteca chantunala dal Grischun (80 %)

Uffizi da cultura / Biblioteca chantunala dal Grischun

Karlihofplatz

7001 Cuira

Voss champ d'incumbensas: Tar l'Uffizi da cultura lavurais Vus en la Biblioteca chantunala dal Grischun ed avais invista da tut las fatschentas impurtantas e da tut ils process impurtants. Vus planisais e realisais projects, essas responsabla u responsabel per la lavur da publicitad ed organisais visitas guidadas en la biblioteca. Vus accumpagnais las praticantas ed ils praticants, collavurais en differentas gruppas da lavur che Vus manais per part, e tenor cunvegna surpiglias Vus la responsabladad per secturs tematics da la biblioteca. Vus collavurais stretgamain cun la bibliotecara chantunala e surpigliais sia substituziun.

Voss profil: Vus pudais cumprovar qualificaziuns bibliotecaras ed avais terminà in studi da scienzas d'infurmaziun, d'avantatg en cumbinaziun cun in studi d'istorgia. Sco alternativa avais Vus terminà in studi universitar d'istorgia ed essas pronta u pront d'absolver in studi supplementar en scienzas d'infurmaziun. En il rom da Vossa carriera vertenta pudais Vus cumprovar experientschas en il management da projects. Vus avais l'abilitad da sviluppar sco er da realisar concepts ed avais – en il cas ideal – experientscha en il sectur da la digitalisaziun. Vus essas al current davart tut ils svilups actuals sin il champ da las bibliotecas, essas ina persunalitad communicativa ch'è abla da lavurar en in team ed avais enconuschientschas d'ina segunda ed eventualmain da la terza lingua chantunala.

Nus purschain in champ d'activitad multifar en in ambient da lavur agreabel.

Grad d'occupaziun: 80 %

Cumenzament da la lavur: 1. da mars 2022 u tenor cunvegna

Lieu da lavur: Cuira

Termin d'annunzia: 12 da december 2021

Persuna da contact: Nadine Wallaschek, telefon 081 257 28 22, nadine.wallaschek@kbg.gr.ch


Nus ans legrain da Vossa annunzia electronica cumpletta.