L'administraziun chantunala – ina patruna moderna per collavuraturas motivadas e collavuraturs motivads sco Vus.
assistenta u assistent per l'Atelier d'emprendissadi per la creaziun da vestgadira (50–60 %, limità fin ils 31 da fanadur 2024)

Uffizi per la furmaziun professiunala

Quaderstrasse 22

7001 Cuira

Voss champ d'incumbensas:Sco assistenta u assistent da l'Atelier d'emprendissadi per la creaziun da vestgadira tar l'Uffizi per la furmaziun professiunala cooperais Vus – tenor l'Ordinaziun da furmaziun – a la scolaziun pratica professiunala da circa 10 emprendistas ed emprendists. Plinavant essas Vus cunresponsabla u cunresponsabel per l'acquisiziun e per la realisaziun da las empustaziuns da la clientella (fabricaziuns novas e midadas) sco er per la cussegliaziun e per l'assistenza da la clientella. In'ulteriura part da Vossa lavur pretensiusa è la substituziun da la manadra da l'Atelier d'emprendissadi.

Voss profil: Ultra dal diplom sco creadra u creader da vestgadira AFQ avais Vus en il cas ideal experientscha professiunala da plirs onns en quest sectur. En il meglier cas avais Vus in diplom da la furmaziun professiunala superiura ubain ina qualificaziun equivalenta en il sectur specific. Vus enconuschais las tecnicas d'elavuraziun da l'actuala Ordinaziun da furmaziun ed il nov sistem da models Unicut. Vus avais plaschair da dar vinavant a las emprendistas ed als emprendists Vossas enconuschientschas professiunalas e metodicas, avais ina conscienza per la qualitad, in sensori per la moda e restais calma u calm er en situaziuns hecticas. Enconuschientschas d'ina segunda lingua chantunala (eventualmain er d'ina terza) èn bainvegnidas.

Grad d'occupaziun: 50–60 %

Cumenzament da la lavur: plazza a temp limità dal 1. da mars 2022 u tenor cunvegna fin ils 31 da fanadur 2024

Lieu da lavur: Cuira

Termin d'annunzia: 19 da december 2021

Persuna da contact: Heidi Ogi, manadra da l'Atelier d'emprendissadi per la creaziun da vestgadira, telefon 081 257 48 18, heidi.ogi@afb.gr.ch

 

Las annunzias ston vegnir inoltradas exclusivamain online.

Nus ans legrain da Vossa annunzia electronica cumpletta.