L'administraziun chantunala – ina patruna moderna per collavuraturas motivadas e collavuraturs motivads sco Vus.
referendaria u referendari per l'inquisiziun da la cybercrimininalitad (80–100 %)

Polizia chantunala

Ringstrasse 2

7000 Cuira

Voss champ d'incumbensas: Las inquisiziuns tecnicas en cas da delicts da la cybercriminalitad en il senn pli stretg (p.ex. hacking, malware e.u.v.) sco er la redacziun da rapports d'inquisiziun che pon vegnir duvrads davant dretgira tutgan tar Vossas incumbensas. Vus accumpagnais e sustegnais las referendarias ed ils referendaris dals cas tar lur investigaziuns en connex cun delicts da la cybercriminalitad e faschais investigaziuns en atgna responsabladad. Vus elavurais instrucziuns e glistas da controlla per las referendarias ed ils referendaris da cas e Vus tgirais resp. administrais ils agids correspundents en la rait.

Activitads en il sectur da la scolaziun interna ed externa davart la cybercriminalitad sco er la prontezza da collavurar en gruppas da lavur e dal fatg naziunalas davart il tema cybercriminalitad tutgan medemamain tar Vossas incumbensas. 

Voss profil: Vus avais gia experientschas en la procedura poliziala d'investigaziun e Vus avais fitg bunas enconuschientschas da la tecnologia d'infurmaziun. Sche Vus avais terminà in studi en ina scola auta spezialisada, alura è quai d'avantatg. Igl è per Vus ina chaussa natirala d'As perfecziunar en il sectur da la tecnologia d'infurmaziun, da l'evaluaziun, da l'elavuraziun e da l'analisa da datas (analisa criminala operaziunala). Premessas vegnan bunas abilitads communicativas a bucca ed en scrit tant en tudestg sco er en englais. Vus As profilais cun Vossa flexibilitad, cun Vossa abilitad da supportar squitsch, cun Voss spiert da gruppa sco er cun Vossa atgna iniziativa. La prontezza da prestar acziuns ordaifer las uras da lavur regularas e da collavurar al servetsch da pichet cumplettescha Voss profil.

 Grad d'occupaziun: 80–100 %

Cumenzament da la lavur:  tenor cunvegna

Lieu da lavur: Cuira

Termin d'annunzia: 10 da december 2021

Persuna da contact: Beat Huonder, telefon 081 257 74 16, beat.huonder@kapo.gr.ch


Nus ans legrain da Vossa annunzia electronica cumpletta.