L'administraziun chantunala – ina patruna moderna per collavuraturas motivadas e collavuraturs motivads sco Vus.
collavuratura scientifica u collavuratur scientific per la furmaziun terziara (80–100 %)

Uffizi per la furmaziun media-superiura

Grabenstrasse 1

7001 Cuira

Voss champ d'incumbensas: Il sectur da la furmaziun terziara cumpiglia las scolas autas, las scolas spezialisadas superiuras, ils examens professiunals federals superiurs e las instituziuns da la furmaziun professiunala supplementara.

Sco collavuratura scientifica u collavuratur scientific per la furmaziun terziara e per la perscrutaziun collavurais Vus tar las revisiuns da leschas e d'ordinaziuns. Vus sustegnais las direcziuns da las partiziuns e da l'uffizi tar lavurs da project e tar ils puncts centrals dal svilup da la Strategia d'innovaziun e da perscrutaziun e Vus manais – tut tenor enconuschientschas preliminaras – independentamain projects dal stgalim terziar.

Vus elavurais las basas da decisiun per l'uffizi, per il departament u per la Regenza. Plinavant elavurais e controllais Vus las incaricas da prestaziun da las instituziuns dals secturs terziars e da las instituziuns da perscrutaziun ed accumpagnais ils process da budget e da controlling. En in pitschen team faschais Vus revisiuns ed elavurais ils rendaquints da las contribuziuns e da las subvenziuns sco er ils rapports finals latiers. En il team controllais Vus ch'i vegnian observads ils contracts generals ubain ademplidas las incaricas da prestaziun da las instituziuns en il sectur terziar e dals instituts da perscrutaziun.


Voss profil: Vus avais terminà in studi universitar (Master of Science u Master of Arts) ed avais in'experientscha professiunala d'intgins onns da preferenza en l'administraziun, en il sectur da finanzas e contabilitad ubain en la furmaziun e perscrutaziun. Ultra da quai essas Vus versada u versà da scriver texts per tudestg e per englais. Enconuschientschas d'ina segunda lingua chantunala èn d'avantatg per questa funcziun.

Sche la lavur concepziunala ed il management da projects n'èn betg pleds esters per Vus, sche Vus enconuschais las cuntradas da furmaziun e da perscrutaziun da la Svizra e sche Vus essas ina persuna fidada e motivada, alura ans legrain nus da Vossa annunzia.

Grad d'occupaziun: 80–100 %

Cumenzament da la lavur: 1. d'avrigl 2022 u tenor cunvegna

Lieu da lavur: Cuira

Termin d'annunzia: 16 da december 2021

Persuna da contact: dr. Sabine Leisinger, telefon 081 257 61 73, sabine.leisinger@ahb.gr.ch

Nus ans legrain da Vossa annunzia electronica cumpletta.