L'administraziun chantunala – ina patruna moderna per collavuraturas motivadas e collavuraturs motivads sco Vus.
assistenta u assistent da la direcziun da l'uffizi (60 %)

Uffizi per la furmaziun media-superiura

Grabenstrasse 1

7001 Cuira

Voss champ d'incumbensas: Sco assistenta u assistent sustegnais Vus la direcziun da l'uffizi tar la planisaziun e tar la realisaziun da projects sco er en ulteriurs champs da l'uffizi. Vus exequis tut las incumbensas organisatoricas ed administrativas dal manader da l'uffizi, preparais preschentaziuns, manais statisticas, elavurais concepts e coordinais la planisaziun dals termins e dals projects da la direcziun da l'uffizi e da la partiziun.

Sco persuna incumbensada per la qualitad essas Vus responsabla u responsabel per la controlla formala dals conclus da l'uffizi, dal departament e da la Regenza sco er per l'endataziun correcta dals texts da leschas (Lexwork).

Voss profil: Vus avais terminà ina scolaziun sco commerzianta u commerziant AFQ ed avais experientscha professiunala da plirs onns en il sectur da l'administraziun ed enconuschais la software d'administraziun CMI. Experientscha en il management da projects, ina buna expressiun en scrit sco er enconuschientschas fundadas da l'ortografia tudestga èn Vossas caracteristicas. Enconuschientschas d'ina ulteriura lingua chantunala èn giavischadas. Sche Vus avais plaschair da la lavur da project e sche Vus essas il medem mument era abla u abel da lavurar en in team e da supportar squitsch ed essas ina persuna fidada, lura ans legrain nus da Vossa annunzia.

Grad d'occupaziun: 60 %

Cumenzament da la lavur: 1. d'avrigl 2022

Lieu da lavur: Cuira

Termin d'annunzia: 16 da december 2021

Persuna da contact: Renata Meli, telefon 081 257 61 72, renata.meli@ahb.gr.ch

Nus ans legrain da Vossa annunzia electronica cumpletta.