L'administraziun chantunala – ina patruna moderna per collavuraturas motivadas e collavuraturs motivads sco Vus.
collavuratura academica u collavuratur academic per la partiziun Scolas medias (90 %)

Uffizi per la furmaziun media-superiura

Grabenstrasse 1

7001 Cuira

Voss champ d'incumbensas: La partiziun Scolas medias cumpiglia la Scola chantunala grischuna a Cuira sco er las scolas medias privatas dal chantun Grischun.

Sco collavuratura academica u collavuratur academic per las Scolas medias sustegnais Vus la direcziun da la partiziun Scolas medias tar la realisaziun da projects e collavurais tar revisiuns da leschas e d'ordinaziuns. Vus preparais en moda independenta las fatschentas da l'uffizi, dal departament e da la Regenza e Vus essas cunresponsabla u cunresponsabel per il controlling da las incaricas da prestaziun da las scolas medias.

En in pitschen team gidais Vus a coordinar ed a controllar las refurmas dal plan d'instrucziun da las Scolas medias grischunas, tgirais las statisticas da las datas da las scolas medias grischunas, elavurais dumondas singulas ed exequis diversas incumbensas en il sectur dals examens d'admissiun e dals examens finals.

Voss profil:Vus avais terminà in studi universitar (da preferenza in Master of Science u Master of Arts) ed avais enconuschientschas da basa da giurisprudenza ubain experientscha professiunala en la realisaziun da disposiziuns giuridicas. Ultra da quai avais Vus enconuschientschas fundadas en il sectur da las scolas medias e dal management da projects. Plinavant essas Vus versada u versà da scriver texts per tudestg. Enconuschientschas solidas d'ina segunda lingua chantunala èn impurtantas e d'avantatg per questa funcziun.

Vossa moda da lavurar fidada sco er Vossa abilitad da supportar squitsch e da lavurar en in team cumpletteschan Voss profil.


Grad d'occupaziun: 90 %

Cumenzament da la lavur: 1. d'avrigl 2022

Lieu da lavur: Cuira

Termin d'annunzia: 16 da december 2021

Persuna da contact: Regina Just Brodbeck, telefon 081 257 61 69, regina.justbrodbeck@ahb.gr.ch

Nus ans legrain da Vossa annunzia electronica cumpletta.