L'administraziun chantunala – ina patruna moderna per collavuraturas motivadas e collavuraturs motivads sco Vus.
spezialista u spezialist da sistems ICT (80–100 %)

Uffizi d'informatica

Rosenweg 4

7001 Cuira

Voss champ d'incumbensas: L'Uffizi d'informatica è il post central dals servetschs d'informatica per l'administraziun chantunala. Sco commembra u commember d'in team che collavura fitg bain planisais, installais e tgirais Vus differents sistems da l'infrastructura centrala dad IT, oravant tut en il sectur da Linux. Vus avais excellentas enconuschientschas dal sistem operativ ed experientschas cun il funcziunament da plattafurmas, tranter auter da Kubernetes, JBoss e MariaDB. Enconuschientschas profundas dal sectur da Windows Server èn d'avantatg. Per la collavuraziun en projects da clientella e per il funcziunament d'applicaziuns spezialas essas Vus regularmain en contact cun nossa clientella e cun nossas furnituras e noss furniturs.

Voss profil: Quest champ d'incumbensas cumplex e varià pretenda ina scolaziun cun in diplom d'ina scola spezialisada superiura u d'ina scola auta spezialisada en direcziun tecnica ubain ina scolaziun equivalenta. Vus essas ina persunalitad independenta e fidada che lavura gugent en in bun team e che ha experientscha pratica en il sectur descrit. La gronda disponibladad dals sistems che vegn pretendida premetta che Vus sajas ina persuna ch'è abla da supportar squitsch e ch'è pronta d'ademplir tschertas incumbensas er ordaifer il temp da lavur usità. Ultra da quai avais Vus la flexibilitad da surpigliar novas incumbensas en il sectur dinamic da l'informatica. In pensar cumbinatoric ed ina moda da lavurar structurada ed orientada al team cumpletteschan Voss profil.

Grad d'occupaziun: 80–100 %

Cumenzament da la lavur: 1. da favrer 2022 u tenor cunvegna

Lieu da lavur: Cuira

Termin d'annunzia: 17 da december 2021

Persuna da contact: Otto Baer, telefon 081 257 31 80, otto.baer@afi.gr.ch


Nus ans legrain da Vossa annunzia electronica cumpletta.