L'administraziun chantunala – ina patruna moderna per collavuraturas motivadas e collavuraturs motivads sco Vus.
praticanta u praticant per la Tgira da monuments dal Grischun (80–100 %)

Uffizi da cultura / Tgira da monuments dal Grischun

Gürtelstrasse 89

7001 Cuira

Voss champ d'incumbensas: Sco pussaivladad per cumenzar cun Vossa activitad pratica suenter la terminaziun dal studi u sco semester intermediar porscha la Tgira da monuments dal Grischun l'occasiun d'approfundar Vossa cumpetenza en il sectur da las activitads che pertutgan la tgira da monuments. Vus survegnis invista da la cussegliaziun da construcziun e sustegnais las cussegliadras ed ils cussegliaders da construcziun che accumpognan projects subvenziunads. Vus gidais ad elavurar noss products d'inventari (glistas d'inventari ed inventaris d'edifizis). Latiers tutgan retschertgas pli profundas en noss archiv sco er evaluaziuns sistematicas da litteratura secundara e d'inventaris parzials existents. Ultra da quai survegnis Vus er invista da las activitads da la Tgira da monuments dal Grischun en il sectur da la planisaziun dal territori. Contacts multifars cun autoritads, cun posts spezialisads sco er cun patrunas e patruns da construcziun enritgeschan supplementarmain il champ d'incumbensas.

Voss profil: La basa da Vossa activitad furma in studi d'istorgia d'art, d'architectura, d'istorgia u da planisaziun dal territori, u Vus stais curt avant la terminaziun d'in studi en in da quests secturs. Vus avais enconuschientschas cumprovadas da las basas e da las expressiuns tecnicas da l'istorgia da l'architectura. Enconuschientschas da la substanza architectonica en il chantun Grischun èn d'avantatg. Nus premettain plinavant ina buna expressiun en scrit en tudestg. Enconuschientschas da las ulteriuras linguas chantunalas uffizialas (rumantsch u talian) ed in permiss da manischar da la categoria B èn bainvegnids. In grond engaschament, l'abilitad da lavurar en in team ed ina tscherta independenza locala cumpletteschan Voss profil.

Grad d'occupaziun: 80–100 %

Cumenzament da la lavur: 1. d'avrigl 2022 u tenor cunvegna

Lieu da lavur: Cuira

Termin d'annunzia: 17 da december 2021

Persuna da contact: Christian Stoffel, telefon 081 257 27 94, christian.stoffel@dpg.gr.ch

Nus ans legrain da Vossa annunzia electronica cumpletta.