L'administraziun chantunala – ina patruna moderna per collavuraturas motivadas e collavuraturs motivads sco Vus.
mediamaticra u mediamaticher (80–100 %)

Polizia chantunala

Ringstrasse 2

7000 Cuira

Cun ina communicaziun activa stgaffescha il post da communicaziun da la Polizia chantunala dal Grischun transparenza e contribuescha uschia a la furmaziun da confidenza envers la populaziun. Il post elavura sistematicamain communicaziuns e porta quellas sur ils dretgs chanals interns ed externs a las gruppas en mira. Tar tut questas activitads observa el cuntinuadamain ils svilups generals en la branscha da communicaziun, resguarda ils trends e resta uschia actual cun ses know-how.

 

Voss champ d'incumbensas: Vus concepis novitads e cuntegns relevants per la communicaziun interna ed externa e preparais quellas en furma da text, da maletg, da film e da tun en moda confurma als basegns da las gruppas en mira ed als basegns da las medias. Vus preparais documentaziuns per la preschentaziun interna ed externa ed essas responsabla u responsabel per il svilup e la tgira dals chanals da social media da la Polizia chantunala dal Grischun. Vus collavurais stretgamain cun represchentantas e represchentants da tut las partiziuns sco er cun las supportras ed ils supporters regiunals da medias e surpigliais la realisaziun da projects pitschens.

Voss profil: Nus tschertgain ina persunalitad giuvna, simpatica e flexibla sco commembra da noss pitschen team da communicaziun. Sco mediamaticra u mediamaticher AFQ avais Vus ina savida profunda dal fatg e pudais duvrar quella per tgirar e per sviluppar vinavant ils profils online e da social media. Vus avais ina chapientscha excellenta da la tecnica e da las medias resp. dals sistems digitals e.u.v. E Vus prendais gugent si contact cun persunas, communitgais en moda averta e schliais incumbensas pretensiusas da buna luna e cun ideas creativas.

Grad d'occupaziun: 80–100 %

Cumenzament da la lavur: tenor cunvegna

Lieu da lavur: Cuira

Termin d'annunzia: 30 da november 2021

Persuna da contact: Roman Rüegg, telefon 081 257 75 39, roman.rueegg@kapo.gr.ch

Nus ans legrain da Vossa annunzia electronica cumpletta.