L'administraziun chantunala – ina patruna moderna per collavuraturas motivadas e collavuraturs motivads sco Vus.
collavuratura u collavuratur agricul per il Plantahof Waldhaus Cuira (80–100 %)

Plantahof

Kantonsstrasse 17

7302 Landquart

Voss champ d'incumbensas: Il manaschi biologic Plantahof Waldhaus a Cuira cumpiglia 15 ha surfatscha d'er, 23 ha producziun da pavel ed 1 ha plantaschas da puma sco er ina tegnida d'animals multifara (chauras da latg, nursas da latg, nursas da charn, allevament da muvel e giaglinas che ovan). Sco collavuratura u collavuratur agricul sin noss manaschi biologic cun 40 ha a Cuira (Plantahof Waldhaus) essas Vus previsa u previs sco substituta u substitut dal manader dal bain. Sco punct central cumpiglian Vossas incumbensas tut las lavurs da la producziun da pavel e da la cultivaziun dad ers sco er las lavurs da mantegniment da las maschinas e dals implants agriculs. Per part As engaschais Vus er en la tgira dals animals.

Voss profil: Vus avais terminà in emprendissadi da pura u da pur ubain da mecanista u da mecanist da maschinas agriculas cun experientscha en l'agricultura. Giavischà na vegn betg mo plaschair per l'agricultura, mabain er in bun spiert da team e l'abilitad da lavurar independentamain. In'abitaziun da servetsch As stat a disposiziun.

Grad d'occupaziun: 80–100 %

Cumenzament da la lavur: 1. da mars 2022 u tenor cunvegna

Lieu da lavur: Cuira

Termin d'annunzia: 15 da december 2021

Persuna da contact: Andreas Stricker, telefon 076 424 37 78, u Rolf Hug, telefon 081 257 60 90

Nus ans legrain da Vossa annunzia electronica cumpletta.