L'administraziun chantunala – ina patruna moderna per collavuraturas motivadas e collavuraturs motivads sco Vus.
controlladra u controllader da victualias (80–100 %)

Uffizi per la segirezza da victualias e per la sanadad d'animals

Ringstrasse 10

7001 Cuira

Voss champ d'incumbensas: Sco controlladra u controllader da victualias essas Vus cumpetenta u cumpetent per l'execuziun da la legislaziun federala da victualias en in da sis circuls da controlla dal Grischun (Surselva). Vus faschais inspecziuns en manaschis da victualias ed en manaschis d'objects da diever, scrivais rapports, ordinais mesiras e survegliais che quellas vegnian realisadas. Vus tgirais il contact cun persunas suttamessas al dretg e dais infurmaziuns cumpetentas en dumondas dal dretg da victualias. Ultra da quai faschais Vus emprovas uffizialas en il rom da campagnas d'analisas.

Voss profil: Sche Vus na disponis betg gia d'in diplom d'inspectura u d'inspectur da victualias u d'in diplom per la controlla uffiziala da victualias, pudais Vus preschentar – en vista a l'acquist d'in tal – ina furmaziun fundamentala professiunala terminada cun trais onns experientscha professiunala ubain ina furmaziun professiunala superiura, da preferenza en il sectur da victualias. Vus savais fitg bain tudestg a bucca ed en scrit. Enconuschientschas dal rumantsch e dal talian èn d'avantatg. Vus avais ina demananza persvadenta ed As pudais far valair, essas ina persuna communicativa, abla da supportar squitsch, bain organisada e fisicamain fitta per pudair As mover er en territoris maltransibels. Vus avais plaschair da lavurar al computer, ma er en moda fitg independenta en il servetsch extern. Per ils viadis da servetsch necessaris possedais Vus in auto per tut terren.

Grad d'occupaziun: 80–100 %

Cumenzament da la lavur: 1. da mars 2022

Lieu da lavur: Glion

Termin d'annunzia: 28 da november 2021

Persuna da contact: Matthias Beckmann, telefon 081 257 26 71, matthias.beckmann@alt.gr.ch

Nus ans legrain da Vossa annunzia electronica cumpletta.