L'administraziun chantunala – ina patruna moderna per collavuraturas motivadas e collavuraturs motivads sco Vus.
L'Autoritad per la protecziun d'uffants e da creschids (APUC) dal Grischun dal Nord tschertga pervia da la nova organisaziun ina/in
collavuratura u collavuratur per l'administraziun (80–100 %, jobsharing pussaivel)

Autoritad per la protecziun d'uffants e da creschids (APUC) Grischun dal nord

Gäuggelistrasse 1, chascha postala 357

7001 Cuira

Voss champ d'incumbensas: En questa funcziun sustegnais Vus la APUC dal Grischun dal Nord en tut sias activitads administrativas. Quellas cumpiglian principalmain la recepziun ed il servetsch da telefon e da posta, la correspundenza tenor model, il lectorat da la correspundenza e da decisiuns, lavurs administrativas en connex cun la responsabladad per ils cas (registratura, controlla dals termins, gestiun dals dossiers, deposit ed archivaziun) sco er l'elavuraziun dals custs disponids e dals custs da terzas persunas.

Voss profil: Vus avais in diplom d'ina scolaziun professiunala commerziala sco er experientscha professiunala da plirs onns en il sectur da l'administraziun u d'in secretariat. Vus avais bunas enconuschientschas en l'applicaziun dal computer ed in fitg bun stil d'As exprimer per tudestg. Plinavant disponis Vus d'ina natira flexibla e discreta ed orientais Vossa lavur a la prestaziun da servetschs. Vus savais lavurar en in team ed er sut squitsch, e la lavur exacta e sistematica As plascha.
Premess vegni che Vus hajas la prontezza da lavurar en in biro da pliras plazzas e che Vus sappias communitgar cun umans che sa chattan en situaziuns da vita difficilas.
In team motivà e servetschaivel As spetga en l'ambient dinamic da la protecziun d'uffants e da creschids.

Grad d'occupaziun: 80–100 %

Cumenzament da la lavur: 1. da favrer 2022 u tenor cunvegna

Lieu da lavur: Cuira

Termin d'annunzia: 31 d'october 2021

Persuna da contact: Matthias Tscharner, telefon 081 257 49 70

Nus ans legrain da Vossa annunzia electronica cumpletta.