L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader dal secretariat (80–100 %)

Uffizi per il svilup dal territori

Ringstrasse 10

7001 Cuira

Voss champ d'incumbensas: Sco manadra u manader dal secretariat essas Vus responsabla u responsabel per la direcziun organisatorica dal secretariat sco post central da l'uffizi. En questa funcziun liquidais Vus incumbensas da secretariat multifaras ensemen cun duas persunas che lavuran a temp parzial. Tranter auter registrais Vus las dumondas da construcziun ordaifer la zona da construcziun u tramettais disposiziuns incl. facturaziuns. Il sustegn da la direcziun e dal team da l'Uffizi per il svilup dal territori en dumondas administrativas ed organisatoricas u la posta entranta e sortinta èn ulteriuras incumbensas en chaussa. Latiers tutga er la rolla dal poweruser (support da l'emprim nivel) en il sistem per administrar fatschentas CMI. Ultra da quai collavurais Vus en projects interns per modernisar, per optimar e per digitalisar ils andaments. En il rom da questa plazza surpigliais Vus er la substituziun per la direcziun da la partiziun Servetschs administrativs.

Voss profil: Vus avais terminà ina scolaziun commerziala fundamentala ed avais in pèr onns experientscha professiunala, en il cas ideal tar in'administraziun publica. Vus enconuschais bain la software per administrar fatschentas CMI. La lavur digitala n'è nagut nov per Vus, e Vus avais er enconuschientschas approfundadas en l'utilisaziun dals programs da Microsoft Office. Voss pensar analitic e logic As permetta da chapir e da visualisar connexs cumplitgads. Vus essas ina persunalitad flexibla, discreta e da buna luna. Vus savais lavurar en in team, orientais Vossa lavur a la prestaziun da servetschs ed avais in senn per lavurs organisatoricas. Er sut squitsch da temp liquidais Vus las incumbensas en moda structurada ed exacta. Premess vegnan in stil segir en tudestg sco er ina moda da lavurar independenta e fidada. Bunas enconuschientschas geograficas dal chantun Grischun e bunas enconuschientschas dal talian a bucca èn d'avantatg.

Grad d'occupaziun: 80–100 %

Cumenzament da la lavur: 1. d'avrigl 2022

Lieu da lavur: Cuira

Termin d'annunzia: 5 da november 2021

Persuna da contact: Nadine Gill, telefon 081 257 23 26, personal@are.gr.ch

Nus ans legrain da Vossa annunzia electronica cumpletta.