L'administraziun chantunala – ina patruna moderna per collavuraturas motivadas e collavuraturs motivads sco Vus.
referendaria u referendari per ils fatgs da militar (80–100 %)

Uffizi da militar e da protecziun civila

Chastè da Haldenstein, Schlossweg 4

7023 Haldenstein

Voss champ d'incumbensas: L'Uffizi da militar e da protecziun civila è responsabel per sustegnair las appartegnentas ed ils appartegnents da l'armada en il chantun Grischun e per exequir las leschas federalas e las ordinaziuns en il sectur dal militar. En la funcziun che duai vegnir occupada planisais e realisais Vus en moda independenta ils dis d'orientaziun da las persunas obligadas da far la mustra e registrais silsuenter lur datas. Plinavant preparais Vus las preannunzias da servetsch per la recrutaziun e sustegnais il cumandant cirquital dal chantun en la funcziun da substituta u da substitut.

Voss profil: Vus disponis d'ina scolaziun commerziala u equivalenta ed avais intgins onns experientscha professiunala. Da preferenza avais Vus absolvì l'instrucziun d'uffiziera u uffizier ubain da sutuffiziera superiura u sutuffizier superiur da l'armada. Vus avais plaschair da contacts, avais ina gronda cumpetenza sociala, essas ina persunalitad fidada ed orientais Vossa lavur a la prestaziun da servetschs. Ina buna abilitad da communitgar e da stabilir contacts en il mintgadi da lavur ch'è mintgatant hectic tutga tar Vossas fermezzas. L'utilisaziun segira dals programs da Microsoft Office è indispensabla per questa lavur. En il cas ideal avais Vus enconuschientschas d'ina segunda lingua chantunala.

Grad d'occupaziun: 80–100 %

Cumenzament da la lavur: 1. da schaner 2022 u tenor cunvegna

Lieu da lavur: Haldenstein

Termin d'annunzia: 15 da november 2021

Persuna da contact: Andreas Kieni, telefon 081 257 35 03, andreas.kieni@amz.gr.ch u Susanne Rupp, telefon 081 257 35 40, susanne.rupp@amz.gr.ch

Nus ans legrain da Vossa annunzia electronica cumpletta.