L'administraziun chantunala – ina patruna moderna per collavuraturas motivadas e collavuraturs motivads sco Vus.
planisadra u planisader dal territori sco manadra cirquitala u manader cirquital (80–100 %)

Uffizi per il svilup dal territori

Ringstrasse 10

7001 Cuira

Voss champ d'incumbensas: En la partiziun Planisaziun d'utilisaziun e construcziun ordaifer las zonas da construcziun manais Vus sco manadra cirquitala u manader cirquital da planisaziun "Sid" in team da trais collavuraturas e collavuraturs. Ultra da manar il team essas Vus responsabla u responsabel per cussegliar las vischnancas e lur biros da planisaziun en las regiuns Bernina, Malögia, Moesa e Viamala cunzunt en dumondas dal svilup territorial, da la planisaziun d'utilisaziun e da la construcziun ordaifer las zonas da construcziun (EOZ). Vus examinais preliminarmain las planisaziuns d'utilisaziun communalas ed elavurais dumondas correspundentas per mauns da l'autoritad d'approvaziun. Vus redigis permissiuns EOZ e prendais posiziun davart projects relevants per il territori. La finala accumpagnais Vus singuls process d'impurtanza locala speziala. Sche la qualificaziun è avant maun, As po vegnir confidada la direcziun da la partiziun Planisaziun d'utilisaziun e construcziun ordaifer las zonas da construcziun che consista da trais circuls da planisaziun e da 12 collavuraturas e collavuraturs. 

Voss profilVus avais terminà in studi da basa ad ina scola auta u ad ina scola auta spezialisada (da preferenza sco planisadra u planisader dal territori, sco architecta u architect ubain sco inschignera u inschigner) u avais fatg ina scolaziun equivalenta ed avais intgins onns experientscha professiunala e da direcziun. Ultra d'enconuschientschas professiunalas fundadas avais Vus ina buna expressiun a bucca ed en scrit. Abilitad da lavurar en in team, atgna iniziativa, plaschair da contact, avertadad ed abilitad da supportar squitsch sco er ina moda da lavurar ch'è orientada a la clientella ed al consens cumpletteschan Voss profil. Bunas enconuschientschas dal chantun Grischun èn medemamain giavischadas sco experientscha u bunas enconuschientschas pli profundas da l'urbanistica e da l'architectura. Sche las qualificaziuns èn equivalentas, vegnan las candidatas ed ils candidats cun enconuschientschas a bucca ed en scrit dal talian preferids.

Grad d'occupaziun: 80–100 %

Cumenzament da la lavur1. da matg 2022

Lieu da lavurCuira

Termin d'annunzia5 da november 2021

Persuna da contactRichard Atzmüller, telefon 081 257 23 23, personal@are.gr.ch

Nus ans legrain da Vossa annunzia electronica cumpletta.