L'administraziun chantunala – ina patruna moderna per collavuraturas motivadas e collavuraturs motivads sco Vus.
collavuratura u collavuratur da stab e persuna responsabla per la communicaziun (80 %)

Departament da finanzas e vischnancas dal Grischun

Reichsgasse 35

7001 Cuira

Voss champ d'incumbensas: Vus rinforzais il team dal secretariat dal departament. Quel è l'organ da stab central dal departament e la colliaziun tar ils posts da servetsch. Il secretariat cusseglia, planisescha e coordinescha las fatschentas dal departament e sustegna il schef dal departament en sias activitads. En spezial elavurais Vus dumondas e fatschentas economicas e collavurais tar projects. Ultra da quai represchentais Vus il departament en gruppas da lavur e surpigliais differentas autras funcziuns. Sco responsabla u responsabel per la communicaziun sustegnais Vus – en collavuraziun cun il Servetsch da communicaziun da la Chanzlia chantunala – il departament ed ils posts da servetsch en lur lavur da communicaziun. Vus cussegliais e sustegnais la direcziun dal departament ed ils posts da servetsch en fatgs communicativs e garantis la communicaziun dal departament. Vus elavurais communicaziuns a las medias e coordinais dumondas da las medias entaifer il departament. Ultra da quai avais Vus la cunresponsabladad per la tgira e per l'actualisaziun dal chanals da social media sco er da las paginas d'internet.

Voss profil: Questa activitad pretensiusa e variada premetta ina furmaziun en il sectur da l'economia da manaschi ubain da l'economia publica. Vus essas versada u versà en dumondas economicas e da la politica da finanzas. Il champ d'incumbensas communicaziun premetta ina scolaziun adattada (p.ex. diplom d'ina scola auta spezialisada en il sectur scienzas da communicaziun e/u scolaziun schurnalistica spezialisada) sco er experientscha pratica en ils champs menziunads. Vossas enconuschientschas cumpiglian tant la lavur classica da medias e da publicitad sco er las novas furmas da la communicaziun digitala. Cun agid da differentas furmas da communicaziun savais Vus intermediar en moda adequata fatgs cumplexs. Ultra da las cumpetenzas redacziunalas fitg bunas en tudestg èn d'avantatg enconuschientschas dal rumantsch e dal talian. Vus avais la motivaziun e la veglia da sviluppar vinavant e da gidar a furmar la communicaziun dal departament en moda decisiva. Vus essas ina persunalitad fidada che po supportar squitsch e cun ina moda da lavurar orientada als servetschs. Vus essas abla u abel da lavurar en moda independenta ed essas ina persunalitad iniziativa cun ina gronda cumpetenza sociala. E Vus essas disada u disà da collavurar en in team e da tschertgar soluziuns. Ultra da quai lavurais Vus en moda effizienta, ma tuttina cun quità, e savais tegnair quint dals giavischs da las differentas gruppas d'interess.


Voss avantatgs: In'activitad interessanta ed independenta che pretenda responsabladad, pussaivladads d'As perfecziunar sco er cundiziuns d'engaschament modernas.

Grad d'occupaziun: 80 %

Cumenzament da la lavur: 1. d'avrigl 2022 u tenor cunvegna

Lieu da lavur: Cuira

Termin d'annunzia: 31 da schaner 2022

Persunas da contact: dr. Christian Rathgeb, cusseglier guvernativ, telefon 081 257 32 01, Patrik Galliard, secretari dal departament, telefon 081 257 32 11, patrik.galliard@dfg.gr.ch

Nus ans legrain da Vossa annunzia electronica cumpletta.