L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader da project per las datas ecologicas (80–100 %)

Uffizi per la natira e l'ambient

Ringstrasse 10

7000 Cuira

Voss champ d'incumbensasEn l'Uffizi per la natira e l'ambient è il manaschament da las datas ecologicas ina incumbensa centrala da l'observaziun da l'ambient. Vossas incumbensas principalas èn la coordinaziun da las enquistas da datas, l'arcun da datas sco er la preparaziun e la publicaziun centrala da las datas ecologicas. Vus organisais la surpigliada da datas da retschertgas, definis puncts da contact e models da datas ed essas responsabla u responsabel per il manaschi e per l'ulteriur svilup da las plattafurmas centralas per metter a disposiziun tut las datas ecologicas. Vossas incumbensas cumpiglian er la preparaziun da datas ecologicas per la publicaziun en rapports, en l'internet ed en chartas interactivas sco er per il download. Vus collavurais stretgamain cun las partiziuns spezialas correspundentas e cun furniturs da servetschs externs.


Voss profilVus avais terminà in studi en ina scola auta spezialisada u en ina scola auta u avais ina scolaziun equivalenta ed intgins onns experientscha professiunala cun il management da projects, da preferenza en il sectur da datas ecologicas. Vus avais bunas enconuschientschas da bancas da datas, dal sistem d'infurmaziun geografica e da la tecnologia d'infurmaziun sco er experientscha en il manaschament da datas. Vus avais abilitads tecnicas, organisatoricas e communicativas ed essas ina persunalitad iniziativa che pensa tenor princips d'interpresa e che ha ina gronda prontezza a l'acziun.


Grad d'occupaziun: 80–100 %

Cumenzament da la lavur1. da favrer 2022 u tenor cunvegna

Lieu da lavurCuira

Termin d'annunzia: 31 d'october 2021

Persuna da contactNorbert Danuser, telefon 081 257 29 36, bewerbung@anu.gr.ch


Nus ans legrain da Vossa annunzia electronica cumpletta.