L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader dal manaschi tar il district 6 Glion (80–100 %)

Uffizi da construcziun bassa, district 6 Glion

Via Crappa Grossa 14

7130 Glion

Voss champ d'incumbensas: Sco manadra u manader dal manaschi essas Vus responsabla u responsabel per la planisaziun e per la realisaziun dal mantegniment funcziunal da las vias chantunalas en il district 6 Glion. En questa funcziun planisais Vus d'ina vart la lavur per las ca. 45 persunas che lavuran tar il mantegniment e da l'autra vart l'utilisaziun dals vehichels e dals utensils. Per ademplir las incumbensas variadas e pretensiusas survegnis Vus il sustegn da set capolavurers ch'èn suttamess directamain a Vus. Plinavant faschais Vus servetsch da pichet sco manadra u manader d'acziun.


Voss profil: Vus avais in diplom sco poliera u polier ubain sco manadra u manader da construcziun cun experientscha da plirs onns en ils secturs construcziun da vias u mantegniment da vias. Questa activitad pretenda blera responsabladad e na premetta betg mo enconuschientschas tecnicas spezialisadas da la construcziun e dal mantegniment da vias, mabain er in pensar tenor princips d'interpresa. Ultra da quai avais Vus experientscha da manar, forza da persvader, iniziativa e la prontezza da far servetsch da pichet. In stil segir d'As exprimer per tudestg sco er bunas enconuschientschas da l'informatica e dal rumantsch vegnan premess per questa plazza.


Grad d'occupaziun: 80–100 %

Cumenzament da la lavur: 1. da fanadur 2022 u tenor cunvegna

Lieu da lavur: Glion

Termin d'annunzia: 22 d'october 2021

Persuna da contact: Eugen Duff, telefon 081 257 68 80


Nus ans legrain da Vossa annunzia electronica cumpletta.