L'administraziun chantunala – ina patruna moderna per collavuraturas motivadas e collavuraturs motivads sco Vus.
spezialista u spezialist da sistems ICT (80–100 %)

Polizia chantunala

Ringstrasse 2

7000 Cuira

Voss champ d'incumbensas: La partiziun ICT da la Polizia chantunala dal Grischun è responsabla per il manaschi da sistems e d'applicaziuns spezialas en ils conturns da las organisaziuns da segirezza. Sco spezialista u spezialist da sistems ICT essas Vus cumpetenta u cumpetent per manar e per sviluppar vinavant nossa infrastructura da IT. Qua è Voss focus sin sistems da Windows virtualisads. Sco ulteriura incumbensa manais Vus las tecnologias d'access a la rait. En projects gidais Vus a sviluppar vinavant soluziuns ICT en il champ d'incumbensas. Ultra da quai essas Vus pronta u pront da far periodicamain servetsch da pichet.

Voss profil: Per questa activitad multifara vegn premessa ina persunalitad independenta e fidada che lavura gugent en in team cumprovà. Er sut squitsch da temp essas Vus abla u abel da liquidar las incumbensas en moda structurada ed exacta.
Vus avais terminà in emprendissadi d'informatica e fatg d'avantatg ina furmaziun supplementara sco tecnicista u tecnicist SSS d'informatica. Plinavant avais Vus enconuschientschas pli profundas da servers, dal management da sistems e da raits da Windows. Medemamain avais Vus experientscha cun las soluziuns da virtualisaziun e cun ils sistems operativs actuals da Microsoft. In pensar cumbinatoric ed ina moda da lavurar fidada ch'è orientada al team cumpletteschan Voss profil.

Grad d'occupaziun: 80–100 %

Cumenzament da la lavur: 1. da schaner 2021 u tenor cunvegna

Lieu da lavur: Cuira

Persuna da contact: Tomas Hummer, telefon 081 257 73 80, tomas.hummer@kapo.gr.ch

Nus ans legrain da Vossa annunzia electronica cumpletta.