L'administraziun chantunala – ina patruna moderna per collavuraturas motivadas e collavuraturs motivads sco Vus.
revisura u revisur da taglia (80–100 %)

Administraziun da taglia

Steinbruchstrasse 18

7001 Cuira

Voss champ d'incumbensas: Davos mintga decleraziun da taglia sa zuppa ina istorgia. Vossa incumbensa è quella da chapir quella e da l'examinar areguard ils criteris fiscals. Tar Voss champ d'incumbensas da gronda responsabladad tutgan la taxaziun independenta da persunas giuridicas sco er la realisaziun da revisiuns da domicil. Vus prendais decisiuns da protesta e represchentais l'Administraziun da taglia en proceduras da meds legals davant dretgira. En quest connex pudais Vus far quint cun in sustegn professiunal.

Voss profil: Vus avais terminà ina scolaziun commerziala superiura (a partir dal stgalim dal certificat professiunal) ubain in studi d'economia u da dretg en ina scola auta spezialisada u en in'universitad. Enconuschientschas cumprovadas da la contabilitad da finanzas sco er enconuschientschas da basa dal dretg fiscal vegnan premessas. Vus essas pronta u pront da prender decisiuns ed abla u abel da schliar conflicts. In bun egl per quai ch'è essenzial ed in bun dun receptiv èn ulteriuras caracteristicas idealas. Ina buna expressiun a bucca ed en scrit en tudestg e da preferenza er en talian cumpletteschan Voss profil.

 

Nus purschain: In'activitad interessanta e variada. Uras da lavur flexiblas, ina plazza da lavur moderna, la pussaivladad da lavurar a chasa (homeoffice) sco er pussaivladads d'absolver furmaziuns supplementaras. Sco part da l'Autoritad da taglia influenzais Vus l'avegnir dal chantun e sentis il puls da l'economia suror tut las branschas.

Grad d'occupaziun: 80–100 %

Cumenzament da la lavur: 1. da schaner 2022 u tenor cunvegna

Lieu da lavur: Cuira

Termin d'annunzia: 31 d'october 2021

Persuna da contact: Alexander Heeb, telefon 081 257 33 55

Nus ans legrain da Vossa annunzia electronica cumpletta.