L'administraziun chantunala – ina patruna moderna per collavuraturas motivadas e collavuraturs motivads sco Vus.
cumissaria u cumissari da taglia junior – persunas cun activitad da gudogn dependenta (80–100 %)

Administraziun da taglia

Steinbruchstrasse 18

7001 Cuira

Voss champ d'incumbensas: Vus examinais ed eruis ils facturs fiscals da las taglias sin las entradas e sin la facultad da persunas natiralas (cun activitad da gudogn dependenta) a maun da la decleraziun da taglia. Suenter ina fasa introductiva liquidais Vus questa lavur pretensiusa per gronda part independentamain en in pitschen team. Vus avais contact cun ils uffizis communals da taglia, cun las pajataglias ed ils pajataglias sco er cun lur represchentantas e lur represchentants.

Voss profil: Vus avais terminà ina scolaziun commerziala fundamentala. Premess vegnan in bun dun receptiv sco er in'expressiun segira a bucca ed en scrit en tudestg. Enconuschientschas dal rumantsch u dal talian èn d'avantatg. Vus avais plaschair da prender decisiuns, savais lavurar en in team, essas ina persuna fidada ed avais ina demananza segira. Nus As purschain ina fasa introductiva cumplessiva en in champ d'activitad pretensius, ina furmaziun supplementara interna, pussaivladads interessantas da far carriera ed in clima da lavur colleghial.

Grad d'occupaziun: 80–100 %

Cumenzament da la lavur: 1. da mars 2022 u tenor cunvegna

Lieu da lavur: Cuira

Termin d'annunzia: 8 d'october 2021

Persuna da contact: Peter Camathias, telefon 081 257 34 10

Nus ans legrain da Vossa annunzia electronica cumpletta.