L'administraziun chantunala – ina patruna moderna per collavuraturas motivadas e collavuraturs motivads sco Vus.
spezialista u spezialist d'infurmaziun (50–60 %)

Uffizi da cultura / Archiv dal stadi

Karlihofplatz

7001 Cuira

Voss champ d'incumbensas: L'Archiv dal stadi dal Grischun è responsabel per preservar e per manar vinavant la tradiziun istorica dal chantun e metta a disposiziun sia collecziun a la perscrutaziun ed a la publicitad interessada. Vus rinforzais il team da la Cataloghisaziun e realisais independentamain projects da quest sectur. En quest connex valurisais Vus tant inventaris pli vegls sco er pli novs da provegnientschas publicas e privatas. Tar la Cataloghisaziun tutga la preparaziun conservatorica che po avair fitg differentas furmas tut tenor il purtader da datas e tut tenor il gener dals documents (analog, digital). Plinavant cussegliais e tgirais Vus la clientella al lieu e respundais dumondas.

Voss profil: Vus avais terminà in studi da scienza d'infurmaziun u d'istorgia sin il stgalim da bachelor ubain ina scolaziun cumparegliabla ed avais experientschas ed enconuschientschas da la cataloghisaziun en in archiv. Vus As legrais da dastgar As occupar en moda pli detagliada e pli concentrada cun ils inventaris d'archiv davart l'istorgia dal Grischun. L'applicaziun dals instruments d'infurmaziun necessaris per quai n'As fa naginas difficultads. Il contact e l'assistenza da las utilisadras e dals utilisaders da l'Archiv dal stadi sentis Vus sco enritgiment.
En la cataloghisaziun archivarica lavurais Vus en moda concentrada, effizienta ed exacta. L'assistenza da la clientella è marcada d'ina gronda prontezza da prestar servetschs. Vus savais registrar svelt las differentas dumondas d'ina vasta clientella ed essas ina persuna communicativa. Vossa lingua da lavur è tudestg. Enconuschientschas d'ina segunda ed eventualmain d'ina terza lingua chantunala sco er da scrittiras anticas e d'ulteriuras linguas relevantas per il contact cun la clientella (franzos, englais) cumpletteschan Voss profil.

Grad d'occupaziun: 50–60 %

Cumenzament da la lavur: 1. da schaner 2022

Lieu da lavur: Cuira

Termin d'annunzia: 30 da settember 2021

Persuna da contact: Sandro Decurtins, telefon 081 257 28 02, sandro.decurtins@sag.gr.ch

Nus ans legrain da Vossa annunzia electronica cumpletta.