L'administraziun chantunala – ina patruna moderna per collavuraturas motivadas e collavuraturs motivads sco Vus.
archivara u archivar d'informatica (80 %)

Uffizi da cultura / Archiv dal stadi

Karlihofplatz

7001 Cuirar

Voss champ d'incumbensas: L'Archiv dal stadi dal Grischun è responsabel per preservar e per manar vinavant la tradiziun istorica dal chantun e metta a disposiziun sia collecziun a la perscrutaziun ed a la publicitad interessada. En il rom da la transfurmaziun digitala duain ils inventaris d'archiv sin palpiri e sin auters purtaders da datas analogs vegnir mess a disposiziun pli e pli er en furma digitala ed online. Vus essas responsabla u responsabel en moda cumplessiva per il sectur da fatschenta "retrodigitalisaziun" e planisais e realisais ils projects respectivs. Plinavant gidais Vus a surpigliar ed a cataloghisar ils inventaris digitals genuins ("digital born data") e manais la gruppa d'experts "reproducziuns per la clientella".

Voss profil: Vus avais terminà in studi d'istorgia, da scienza d'infurmaziun, d'informatica u ina scolaziun cumparegliabla e Vus avais enconuschientschas ed experientschas en il sectur da la retrodigitalisaziun (formats, instruments, metadatas, structura da las datas, standards). Bunas enconuschientschas da la fotografia (da reproducziun) èn in plus. Vus avais interess d'As occupar pli detagliadamain dals inventaris d'archiv davart l'istorgia dal Grischun e d'als valurisar detagliadamain. Vus lavurais en moda effizienta ed exacta ed igl As plascha da lavurar en in team. Vossa communicaziun è exacta ed adequata, las tractativas cun ils uffizis manais Vus en moda segira e suverana. La lingua da lavur è tudestg, enconuschientschas d'ina segunda ed eventualmain d'ina terza lingua chantunala sco er da scrittiras anticas cumpletteschan Voss profil.

Grad d'occupaziun: 80 %

Cumenzament da la lavur: 1. da schaner 2022

Lieu da lavur: Cuira

Termin d'annunzia: 30 da settember 2021

Persuna da contact: Reto Weiss, telefon 081 257 28 01, reto.weiss@sag.gr.ch

Nus ans legrain da Vossa annunzia electronica cumpletta.