L'administraziun chantunala – ina patruna moderna per collavuraturas motivadas e collavuraturs motivads sco Vus.
ortulana u ortulan / vendidra u vendider (50 %)

Uffizi per l'execuziun giudiziala

Grabenstrasse 15

7001 Cuira

Voss champ d'incumbensas: Il Stabiliment giudizial Realta serva a l'execuziun averta dad umens tenor il Cudesch penal e tenor il Cudesch civil svizzers. En la butia dal bain puril essas Vus responsabla u responsabel per cussegliar la clientella sco er per vender il ritg sortiment da legums, da fritgs e da plantas sco er ils products dals agens manaschis sco la mazlaria, la scrinaria, l'atelier e.u.v. Vus sustegnais professiunalmain il team d'orticultura ed instruis e tgirais las persunas collocadas. Da Vossas ulteriuras incumbensas fan part servetschs da bagnar durant las fins d'emna e la vendita d'ina part dal sortiment mintgamai il venderdi sin la fiera a Tusaun.

Voss profil: Vus avais terminà ina furmaziun professiunala sco ortulana u ortulan ubain sco flurista u flurist ed avais experientscha en la cussegliaziun da la clientella ed en la vendita. Vus essas ina persunalitad equilibrada, amicabla e simpatica. Vus avais l'abilitad da lavurar en in team e da supportar squitsch ed essas ina persuna flexibla. Plinavant avais Vus ina conduita irreproschabla.

Grad d'occupaziun: 50 %

Cumenzament da la lavur: tenor cunvegna

Lieu da lavur: Cazas

Termin d'annunzia: 3 d'october 2021

Persuna da contact: Simon Peter Luzi, telefon 081 257 46 90 u Manuela Kassubek, telefon 081 257 52 61, personal@ajv.gr.ch / pagina d'internet: www.ajv.gr.ch

Nus ans legrain da Vossa annunzia electronica cumpletta.