L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader da project per la tecnologia d'infurmaziun (50–100 %, a temp limità)

Uffizi da construcziun bassa, Servetsch da persunal

Grabenstrasse 30

7001 Cuira

Voss champ d'incumbensas: Sco manadra u manader da project lavurais Vus en la planisaziun, en la direcziun ed en la surveglianza da projects d'informatica en il sectur da las applicaziuns administrativas sco er en connex cun las applicaziuns professiunalas specificas da l'Uffizi da construcziun bassa. Vus elavurais, giuditgais e realisais concepts da soluziun areguard la funcziunalitad, la segirezza, la qualitad e la rentabilitad e garantis la rapportaziun dals projects ch'èn vegnids assegnads a Vus. Plinavant essas Vus il punct da contact envers gruppas en mira internas ed externas.

Voss profil: Per ademplir questas incumbensas da gronda responsabladad e multifaras avais Vus terminà ina scolaziun en il sectur da la TI (stgalim SAS, SSS u sumegliant) ed ina furmaziun supplementara correspundenta en la direcziun management da projects u informatica economica ed avais vastas experientschas professiunalas sco manadra u manader da project TI en il sectur da servetschs ubain enconuschientschas en il sectur da l'administraziun publica. Vus avais in grond senn da qualitad e da responsabladad ed in dun receptiv concepziunalmain svelt ed analitic. Plinavant essas Vus ina persunalitad ch'è abla da lavurar en in team e da communitgar ed avais interess per differents champs interdisciplinars.

Grad d'occupaziun: 50–100 %

Cumenzament da la lavur: 1. da november 2021 u tenor cunvegna (limità ad 1 onn)

Lieu da lavur: Cuira

Termin d'annunzia: 4 d'october 2021

Persuna da contact: Patrik Herrmann, telefon 081 257 38 05

Nus ans legrain da Vossa annunzia electronica cumpletta.