L'administraziun chantunala – ina patruna moderna per collavuraturas motivadas e collavuraturs motivads sco Vus.
stradina-capolavurera u stradin-capolavurer per il district 1, Cuira

Uffizi da construcziun bassa, district 1 Cuira

Ringstrasse 11

7001 Cuira

Voss champ d'incumbensas: Sco stradina-capolavurera u stradin-capolavurer tar il district 1 a Cuira essas Vus responsabla u responsabel – sin in traject da via attribuì a Vus – per exequir tenor princips economics il mantegniment da las vias cun servetsch da stad, d'enviern e da pichet. Vus manais ina gruppa da mantegniment pli pitschna e collavurais en questa gruppa. En Vossa funcziun essas Vus cumpetenta u cumpetent per far rapports da lavur, plans d'acziun e plans da vacanzas sco er per survegliar e per coordinar las lavurs. Ultra da quai manischais Vus vehichels a motor e maschinas da mantegniment.

Voss profil: Vus avais terminà ina scolaziun en la branscha da construcziun u en in sectur spezial sumegliant e disponis d'ina scolaziun supplementara sco capolavurera u capolavurer u d'ina furmaziun supplementara equivalenta. Per ademplir las incumbensas pretensiusas avais Vus fatg correspundentas experientschas professiunalas e da direcziun ed essas ina persunalitad flexibla ch'è abla da supportar squitsch e da lavurar en in team. Plinavant essas Vus pronta u pront da prestar servetschs da pichet. Per questa plazza vegni premess che Vus hajas il permiss da manischar da la categoria BE, la categoria C è giavischada.

Grad d'occupaziun: 100 %

Cumenzament da la lavur: 1. da november 2021 u tenor cunvegna

Lieu da lavur: Cuira

Termin d'annunzia: 4 d'october 2021

Persuna da contact: Ralf Hartmann, telefon 081 257 57 01

Nus ans legrain da Vossa annunzia electronica cumpletta.