L'administraziun chantunala – ina patruna moderna per collavuraturas motivadas e collavuraturs motivads sco Vus.
referendaria u referendari (80–100 %)

Procura publica

Sennhofstrasse 17

7000 Cuira

Voss champ d'incumbensas: Tar la Procura publica a Cuira cooperais Vus ad inquisiziuns penalas, protocollais interrogaziuns e redigis differentas actas giuridicas e disposiziuns. Sut la direcziun d'ina procuratura publica u d'in procuratur public elavurais Vus surpassaments tenor las prescripziuns dal Cudesch da procedura penala svizzer. Las lavurs da secretariat multifaras tutgan medemamain tar Vossa activitad. Vus collavurais stretgamain cun differents uffizis e posts da servetsch sco er cun diversas dretgiras.

Voss profil: Vus avais absolvì ina scolaziun fundamentala da commerzi (scola commerziala u emprendissadi mercantil) ed avais intgins onns experientscha professiunala. Vus avais ina fitg buna expressiun linguistica (tant en scrit sco er a bucca) en tudestg e da preferenza er en talian ed ina conduita irreproschabla. Vus appreziais l'independenza ed essas ina persuna fidada e speditiva. Abilitad da lavurar en in team, discreziun, flexibilitad ed ina gronda abilitad da supportar squitsch cumpletteschan Voss profil. L'utilisaziun segira dals programs da computer usitads sa chapescha da sez per Vus. Enconuschientschas d'autras linguas èn giavischadas.

Grad d'occupaziun: 80–100 %

Cumenzament da la lavur: 1. da schaner 2022 u tenor cunvegna

Lieu da lavur: Cuira

Termin d'annunzia: 30 da settember 2021

Persuna da contact: Maria R. Patricelli, telefon 081 257 25 54, maria.patricelli@sta.gr.ch

Nus ans legrain da Vossa annunzia electronica cumpletta.