L'administraziun chantunala – ina patruna moderna per collavuraturas motivadas e collavuraturs motivads sco Vus.
commembra u commember da l'autoritad (80–100 %)

Autoritad per la protecziun d'uffants e da creschids Grischun central/Moesa

Rathaus

7430 Thusis

Voss champ d'incumbensas: Sco commembra u commember dal collegi giuditgant interdisciplinar da la APUC dal Grischun central/Moesa decidais Vus davart la disposiziun e davart l'adattaziun da mesiras da la protecziun d'uffants e da creschids. Sco commembra u commember directiv da procedura e sco spezialista u spezialist directamain cumpetent essas Vus responsabla u responsabel per scleriments e per ulteriuras incumbensas da la APUC en il rom da l'incumbensa legala. Vus procurais che las proceduras e las decisiuns vegnian elavuradas independentamain ed a temp util. Vossa incumbensa ademplis Vus en stretga collavuraziun cun las autras commembras ed ils auters commembers da l'autoritad, dentant er en cooperaziun cun las curatellas professiunalas, cun autras APUC e cun ulteriuras organisaziuns partenarias.

Voss profil: Da preferenza possedais Vus in diplom universitar en giurisprudenza ed avais experientscha professiunala en la lavur sociala legala, da preferenza en il sectur da la protecziun d'uffants e da creschids d'ina APUC. Vus avais ina demananza persvadenta e la capacitad d'As far valair e n'avais nagins problems da prender decisiuns. Vossa sauna experientscha da vita As gida a dumagnar situaziuns difficilas e cumplexas. Vus essas motivada u motivà e vesais quai sco sfida da prestar Vossa lavur en conturns ch'èn fitg differents. Sco persuna spezialisada communicativa ed orientada al team avais Vus grondas cumpetenzas socialas, ma er ina fitg buna expressiun linguistica (a bucca ed en scrit). Vossa demananza autentica e segira tutga tar Vossas ulteriuras fermezzas. Vus essas pronta u pront da far servetsch da pichet e possedais in permiss da manischar da la categoria B. Bunas enconuschientschas dal talian èn d'avantatg.

Grad d'occupaziun: 80–100 %

Cumenzament da la lavur: 1. da schaner 2022 u tenor cunvegna

Lieu da lavur: Tusaun

Termin d'annunzia: 8 d'october 2021

Persuna da contact: Simone Weingart, telefon 081 257 52 90, mittelbuenden@kesb.gr.ch

Nus ans legrain da Vossa annunzia electronica cumpletta.