L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader da project per la construcziun auta agricula e per la meglieraziun da las relaziuns d'abitar (80–100 %)

Uffizi d'agricultura e da geoinfurmaziun

Ringstrasse 10

7001 Cuira

Voss champ d'incumbensas: Las meglieraziuns da structura agriculas, da las qualas fa er part la construcziun auta agricula, han ina lunga tradiziun en il chantun Grischun. Infrastructuras modernas èn da gronda impurtanza per il svilup agricul e per il mantegniment dals abitadis decentrals e da la cuntrada cultivada. Var 25 stallas vegnan renovadas u construidas da nov mintga onn. En il rom da la meglieraziun da las relaziuns d'abitar vegnan ultra da quai sustegnidas mintga onn circa 20 sanaziuns u construcziuns novas da chasas d'abitar en il territori da muntogna. Sco manadra u manader da project avais Vus, en in team da trais collavuraturas e collavuraturs, la surveglianza tecnica, administrativa e finanziala dals projects. Vus examinais ils projects, elavurais las dumondas da contribuziun ed assistis il medem mument ils patruns da construcziun ed ils biros da planisaziun en dumondas finanzialas e tecnicas. Vus scrivais rapports ed elavurais las basas per mauns da las instanzas che prendan las decisiuns.

Voss profil: Vus avais in diplom d'ina scola auta spezialisada en agronomia u en architectura ubain ina scolaziun equivalenta (sco p.ex. tecnicista u tecnicist d'agricultura u da construcziun) en il cas ideal da la construcziun auta agricula. Vus avais bunas enconuschientschas da l'agricultura ed avais experientscha en il contact cun patruns da construcziun, cun architects e cun autoritads. Vus avais plaschair d'ina lavur da responsabladad cun contacts persunals multifars cun tut las parts participadas al project. Buna abilitad da communitgar, forza da persvader ed abilitad da lavurar en moda orientada a process, flexibla ed interdisciplinara tutgan tar Vossas fermezzas. Enconuschientschas dal talian èn d'avantatg.

Grad d'occupaziun: 80–100 %

Cumenzament da la lavur: 1. da december 2021 u tenor cunvegna

Lieu da lavur: Cuira

Termin d'annunzia: 8 d'october 2021

Persuna da contact: Moreno Bonotto, telefon 081 257 24 57, moreno.bonotto@alg.gr.ch u Hans-Peter Caduff, telefon 081 257 24 45, hans-peter.caduff@alg.gr.ch

Nus ans legrain da Vossa annunzia electronica cumpletta.