L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader dal svilup regiunal (80–100 %)

Uffizi per economia e turissem

Ringstrasse 10

7001 Cuira

Voss champ d'incumbensas: Vus manais la partiziun Svilup regiunal sco er il post spezialisà chantunal per la NPR tar l'Uffizi per economia e turissem e faschais part da la direcziun da l'uffizi. Vus essas en contact direct cun la Confederaziun (SECO) ed iniziais sco er accumpagnais projects d'impurtanza per il chantun e per l'economia regiunala. Uschia duai vegnir auzada la cumpetitivitad dal chantun Grischun, duain vegnir stgaffidas u mantegnidas plazzas da lavur, duai vegnir augmentada la creaziun da valur e duain vegnir meglieradas las cundiziuns generalas per activitads economicas. Il contact tar gruppas d'interess ed acturs en il territori rural sco er la collavuraziun cun vischnancas e cun organisaziuns regiunalas en connex cun il svilup economic giogan ina rolla impurtanta en quest connex. Plinavant represchentais Vus ils interess da l'uffizi en gruppas da lavur e da project internas ed externas sco er envers ils servetschs federals.

Voss profil: Per questa posiziun multifara e pretensiusa disponis Vus d'in diplom universitar resp. d'in diplom d'ina scola auta spezialisada u d'ina scolaziun cumparegliabla, da preferenza en ils secturs economia da manaschi, economia publica, economia regiunala u geografia economica. Enconuschientschas fundadas da la politica economica, en spezial dal svilup regiunal, ina chapientscha marcanta per mecanissems politics sco er in grond interess per connexs da l'economia publica e per eveniments economics, turistics e politics en il chantun Grischun vegnan premess. Vus lavurais en moda effizienta e structurada, essas ina persuna ch'è abla da supportar squitsch ed avais la prontezza d'As engaschar en moda extraordinaria. Ina fitg buna expressiun a bucca ed en scrit per tudestg e per talian tutga tar Voss profil gist uschia sco ina demananza segira.

Grad d'occupaziun: 80–100 %

Cumenzament da la lavur: 1. da schaner 2022 u tenor cunvegna

Lieu da lavur: Cuira

Termin d'annunzia: 30 da settember 2021

Persuna da contact: Reto Bleisch, telefon 081 257 23 77, reto.bleisch@awt.gr.ch

Nus ans legrain da Vossa annunzia electronica cumpletta.