L'administraziun chantunala – ina patruna moderna per collavuraturas motivadas e collavuraturs motivads sco Vus.

En consequenza d'ina demissiun tschertgain nus ina/in

substituta u substitut da la mediatura da la regiun Plessur

Dretgira regiunala Plessur

Theaterweg 1

7001 Cuira

Voss champ d'incumbensas: Vus empruvais d'intermediar tranter las parts en dispita u en discordia tenor il princip "L'emprim conciliar, alura giuditgar". Vossas incumbensas cumpiglian plinavant la vicedirecziun da l'autoritad da mediaziun, l'organisaziun e la realisaziun da las tractativas da mediaziun sco er l'execuziun da la cumpetenza da derschadra singula resp. da derschader singul tenor il Cudesch da procedura civila svizzer. Per las lavurs da chanzlia As stattan a disposiziun emploiadas ed emploiads. Medemamain vegnis Vus a manar sco vicedirectura u vicedirectur l'Autoritad da mediaziun per dumondas da locaziun da la regiun Plessur (ulteriuras infurmaziuns chattais Vus sut www.justiz-gr.ch > Rumantsch).

Voss profil: Vus avais l'independenza necessaria ed enconuschientschas giuridicas da basa u avais la prontezza d'As acquistar quellas. In dun da contractar, in bun dun receptiv ed ina buna expressiun a bucca ed en scrit vegnan premess. Candidatas e candidats cun patenta d'advocata resp. d'advocat u cun experientscha giuridica equivalenta e/u cun ina scolaziun da mediaziun han la preferenza.

Grad d'occupaziun: sin dumonda (en spezial en cas da malsogna, d'absenzas da vacanzas, da motivs da recusaziun e.u.v)

Cumenzament da la lavur: immediatamain u tenor cunvegna

Lieu da lavur: Cuira

Termin d'annunzia: 30 da settember 2021

Persuna da contact: dr. iur. Peter Guyan, telefon 081 257 59 00

 

Nus ans legrain da Voss documents d'annunzia cumplets (curt curriculum vitae cun adressa dad e-mail e cun numer da telefonin, tut ils attestats da lavur dals ultims 5 onns, referenzas sco er extracts actuals dal register penal e dal register da scussiun).

Nus ans legrain da Vossa annunzia electronica cumpletta.