L'administraziun chantunala – ina patruna moderna per collavuraturas motivadas e collavuraturs motivads sco Vus.
giurista u giurist per la surveglianza LAMal (80–100 %)

Uffizi da sanadad

Planaterrastrasse 16

7001 Cuira

Voss champ d'incumbensas: Il servetsch giuridic da l'Uffizi da sanadad maina las proceduras da la surveglianza e dal dretg penal da surpassament en ils secturs giuridics attribuids dal chantun e da la Confederaziun (legislaziun da sanadad, da products terapeutics, da professiuns medicinalas e da sanadad, d'epidemias, d'assicuranza da malsauns). El cusseglia las partiziuns spezialas particularmain en ils fatgs da permissiun da la polizia da sanadad e l'uffizi en general en dumondas giuridicas. Tar Vossa incumbensa centrala sco collavuratura giuridica u collavuratur giuridic en il servetsch giuridic tutgan l'installaziun da la plazza creada da nov en il sectur da la surveglianza dals furniturs da prestaziuns admess sin donn e cust da l'assicuranza obligatorica da malsauns sco er la realisaziun da las proceduras da surveglianza respectivas. En cas da basegn faschais Vus er proceduras disciplinaras envers las persunas spezialisadas dal sectur da sanadad e tractais dumondas per la deliberaziun dal secret professiunal. Vus elavurais en atgna responsabladad dumondas giuridicas cumplexas e dumondas a la giurisdicziun. La collavuraziun cun las persunas spezialisadas dal post da servetsch sco er il barat cun las federaziuns professiunalas è plinavant in element essenzial da Voss champ d'incumbensas.

Voss profil: Vus avais terminà in studi da giurisprudenza (da preferenza cun patenta d'advocata u d'advocat) ed avais experientscha professiunala da plirs onns (en il cas ideal en il sectur dal dretg administrativ). Vus avais in'auta cumpetenza sociala, plaschair da la collavuraziun interdisciplinara e surpigliais responsabladad per Vossa lavur multifara. Vus registrais ed analisais svelt connexs giuridics cumplexs. Vus avais l'abilitad da pensar en moda cumbinatorica, ed ina moda da lavurar exacta e structurada è impurtanta per Vus. Grazia a Vossa abilitad linguistica avais Vus ina formulaziun irreproschabla a bucca ed en scrit per tudestg. Fitg bunas enconuschientschas da l'informatica vegnan premessas. Giavischadas èn enconuschientschas dal rumantsch e/u dal talian.

Grad d'occupaziun: 80–100 %

Cumenzament da la lavur: 1. da favrer 2022 u tenor cunvegna

Lieu da lavur: Cuira

Termin d'annunzia: 15 d'october 2021

Persuna da contact: Gabriela Huber, telefon 081 257 25 02, gabriela.huber@san.gr.ch

Nus ans legrain da Vossa annunzia electronica cumpletta.