L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader da program (80 %)

Uffizi per industria, mastergn e lavur

Ringstrasse 10

7001 Cuira

Voss champ d'incumbensas: Vus avais la direcziun generala dal program d'engaschament Tischlein deck dich (Tdd). Tdd sa deditgescha a l'impediment da food waste en il commerzi en detagl cun salvar victualias da la destrucziun e cun reparter talas a persunas pertutgadas da povradad en il chantun Grischun. Cun il sustegn d'ulteriuras collavuraturas ed ulteriurs collavuraturs accumpagnais e promovais Vus las persunas che sa participeschan al program, e quai cun la finamira da las reintegrar en l'emprim martgà da lavur. Plinavant essas Vus il liom a la sedia principala da Tdd (uniun) a Winterthur sco er a las distribuidras ed als distribuiders da products en la regiun. Vus collavurais stretgamain cun differents posts d'attribuziun (CIL, AI, Rait sociala e.u.v) sco er cun la partiziun Mesiras per il martgà da lavur. Vus pudais far quint cun ina incumbensa variada e captivanta cun gronda responsabladad sco er cun blera libertad concepziunala tar la lavur spezialisada sco er tar la promoziun da la furmaziun e da las candidaturas.

Voss profil: Vus disponis d'ina scolaziun commerziala spezialisada fundada cun experientschas professiunalas da plirs onns, en il cas ideal en cumbinaziun cun ina furmaziun supplementara en ils secturs agogia da lavur, furmaziun da persunas creschidas, fatgs da persunal u lavur sociala. Vossa gronda cumpetenza sociala, Vossa demananza segira sco er Voss dun d'improvisaziun e d'organisaziun As qualifitgeschan per questa plazza. Vus essas ina persuna motivada ch'è abla da supportar squitsch. Vus avais blera atgna iniziativa e chapientscha per persunas cun differentas situaziuns da vita. Ultra da quai disponis Vus d'in stil segir en tudestg ed en il cas ideal d'enconuschientschas dal talian u d'autras linguas estras. Bunas enconuschientschas da l'informatica sco er la prontezza d'absolver ina furmaziun supplementara cumplementara a la professiun sco manadra u manader da curs vegnan premessas.

Grad d'occupaziun: 80 %

Cumenzament da la lavur: 1. da favrer 2022 u tenor cunvegna

Lieu da lavur: Cuira

Termin d'annunzia: 12 d'october 2021

Persuna da contact: Willy Roth, telefon 081 257 30 61, willy.roth@kiga.gr.ch

Nus ans legrain da Vossa annunzia electronica cumpletta.