L'administraziun chantunala – ina patruna moderna per collavuraturas motivadas e collavuraturs motivads sco Vus.
secretaria u secretari (80–100 %)

Uffizi per la furmaziun professiunala

Grabenstrasse 1

7001 Cuira

Voss champ d'incumbensas: Sco secretaria u secretari procurais Vus per ina liquidaziun independenta e professiunala da las lavurs da secretariat da l'Uffizi per la furmaziun professiunala entaifer ils termins fixads. Vus sustegnais las partiziuns da l'uffizi tar lavurs administrativas, liquidais il servetsch da telefon sco er la recepziun da la clientella. Vus essas responsabla u responsabel per elavurar e per endatar contracts d'emprendissadi sco er mutaziuns en connex cun relaziuns d'emprendissadi, acceptais annunzias da persunas che tschertgan cussegl e liquidais l'administraziun dals termins e dals cas ch'èn colliadas cun quai. Sco furmatura professiunala u furmatur professiunal instruis Vus nossas emprendistas e noss emprendists (commerzianta u commerziant AFQ).

Voss profil: Vus avais terminà cun success in emprendissadi sco commerzianta u commerziant AFQ. L'utilisaziun segira dals programs da Microsoft Office sa chapescha da sez per Vus. Vus stimais ina moda da lavurar independenta sco er speditiva ed avais chapientscha per ils interess da la clientella interna ed externa. Vus essas ina persuna flexibla ed abla da lavurar en in team. Vus lavurais en moda exacta, proactiva e fidada. Er en fasas hecticas essas Vus ina persuna engaschada ch'è abla da supportar squitsch. En il cas ideal avais Vus gia experientscha en la scolaziun d'emprendistas e d'emprendists. Ina buna expressiun a bucca ed en scrit en tudestg e bunas enconuschientschas d'ina segunda lingua chantunala cumpletteschan Voss profil.

Grad d'occupaziun: 80–100 %

Cumenzament da la lavur: 1. da schaner 2022 u tenor cunvegna

Lieu da lavur: Cuira

Termin d'annunzia: 24 da settember 2021

Persuna da contact: Sylvia Stocker, telefon 081 257 27 78, sylvia.stocker@afb.gr.ch

Nus ans legrain da Vossa annunzia electronica cumpletta.