L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader dal sectur pedagogia speziala (80–100 %)

Uffizi per la scola populara ed il sport

Quaderstrasse 17

7000 Cuira

Voss champ d'incumbensas: Vus manais il sectur pedagogia speziala da l'Uffizi per la scola populara ed il sport cun in team da trais collavuraturas e collavuraturs ed avais la responsabladad principala per tut ils temas, las dumondas e las propostas en il sectur pedagogia speziala. Vus essas responsabla u responsabel per coordinar la surveglianza e per accumpagnar l'evaluaziun da tut las instituziuns da la scolaziun speziala, per elavurar propostas (per mesiras, per resursas e.u.v.) da las instituziuns, per elavurar criteris e prescripziuns, per proponer mesiras, per sviluppar strategias e concepts, per meglierar andaments e formulars sco er per reorganisar process existents, per augmentar l'effizienza da Voss champ d'incumbensas, la collavuraziun u la responsabladad en connex cun projects (projects da lescha, projects da construcziun e.u.v.), per respunder tut las dumondas da posts interns u externs (Cussegl grond e.u.v.) sco er per elavurar las dumondas e las incumbensas dal Cussegl grond. Vus essas l'emprima persuna da contact spezialisada per il sectur pedagogia speziala vers l'intern e vers l'extern. Sco commembra u commember dal stab gidais Vus plinavant la direcziun da l'uffizi a liquidar fatschentas uffizialas.

Voss profil: Vus disponis d'ina scolaziun en pedagogia speziala, en pedagogia, en psicologia u d'ina scolaziun cumparegliabla. Vus essas ina persunalitad flexibla ch'è abla da supportar squitsch e da lavurar en in team, disponis d'in bun dun receptiv, da forza da persvader, d'ina fitg buna abilitad d'analisa e da reflexiun, d'ina abilitad per lavur concepziunala e per management da projects. Premess vegni che Vus sappias fitg bain tudestg en scrit ed a bucca. Ina moda da lavurar exacta ed in'utilisaziun segira dals meds d'informatica / da computer (?) usitads èn chaussas che sa chapeschan da sez per Vus. Enconuschientschas dal sistem da scola chantunal sco er d'ulteriuras linguas uffizialas èn giavischadas e cumpletteschan Voss profil.

Grad d'occupaziun: 80–100 %

Cumenzament da la lavur: 1. da schaner 2022 u tenor cunvegna

Lieu da lavur: Cuira

Termin d'annunzia: 30 da settember 2021

Persuna da contact: Chantal Marti, telefon 081 257 27 50, chantal.marti@avs.gr.ch

Nus ans legrain da Vossa annunzia electronica cumpletta.