L'administraziun chantunala – ina patruna moderna per collavuraturas motivadas e collavuraturs motivads sco Vus.
scheffa u schef da la Polizia da traffic (80–100 %)

Polizia chantunala

Ringstrasse 2

7000 Cuira

Voss champ d'incumbensas: Vus manais la partiziun Polizia da traffic cun 50 collavuraturas e collavuraturs en reguard professiunal e persunal en ils secturs tecnica da traffic (signalisaziun/permissiuns), administraziun da traffic (multas disciplinaras/radar), registratura da traffic (controlla da rapports) e traffic pesant cun ils dus centers da controlla a Cazas ed a Campagnola. Vus elavurais recurs, posiziuns, reclamaziuns sco er dumondas giuridicas, che pertutgan Voss champ d'incumbensas. Ultra da quai gidais Vus – sco persuna spezialisada superiura – la Polizia da regiuns ad exequir las incumbensas da la Polizia da traffic sin la rait da vias dal Grischun. Vossa partiziun organisescha ils viadis da la Regenza e coordinescha ils transports excepziunals. Vus manais projects e collavurais en gremis chantunals, regiunals e naziunals sco er en gruppas da lavur. Vus tgirais in barat regular cun autoritads, cun posts spezialisads e cun uffizis sco er cun auters corps da polizia. Vus vegnis er a surpigliar scolaziuns internas ed externas. Vus essas commembra u commember da la direcziun da polizia e prestais regularmain servetsch sco uffizier da pichet.

Voss profil: Vus avais terminà in studi universitar, da preferenza en giurisprudenza u en scienzas da manaschi, ed avais enconuschientschas pli profundas sco er experientschas praticas da plirs onns en il sectur dal dretg penal e dal dretg administrativ. Ultra d'experientscha da direcziun e da mainaproject avais Vus in spiert d'interprendidra u d'interprendider, in pensar analitic ed As qualifitgais tras abilitads d'organisaziun, da planisaziun e da coordinaziun. Vus persvadais grazia a Vossa cumpetenza sociala, grazia a Vossa flexibilitad e grazia a Vossa gronda abilitad da supportar squitsch. Ina moda da lavurar structurada e l'abilitad da communitgar en moda confurma al stgalim cumpletteschan Voss profil.

Grad d'occupaziun: 80–100 %

Cumenzament da la lavur: 1. da zercladur 2022 u tenor cunvegna

Lieu da lavur: Cuira

Termin d'annunzia: 31 d'october 2021

Persuna da contact: Robert Willi, telefon 081 257 72 02, robert.willi@kapo.gr.ch 

Nus ans legrain da Vossa annunzia electronica cumpletta.