L'administraziun chantunala – ina patruna moderna per collavuraturas motivadas e collavuraturs motivads sco Vus.
supportra u supporter dad ICT (80–100 %)

Polizia chantunala

Ringstrasse 2

7000 Cuira

Voss champ d'incumbensas: La ICT da la Polizia chantunala dal Grischun è responsabla per il manaschi da sistems e d'applicaziuns spezialisadas. Latiers tutga il support per clientella interna ed externa. Sco supportra u supporter dad ICT essas Vus responsabla u responsabel per realisar, per distribuir e per sviluppar vinavant pachets da software cumplexs. Ultra da quai lavurais Vus en il service desk. Là prestais Vus support da l'emprim livel, sustegnais las applitgadras ed ils applitgaders ed eliminais disturbis da la hardware e da la software en cas da problems tecnics. Vossas incumbensas cumpiglian er il svilup ed il mantegniment da l'infrastructura da client e la tgira da la documentaziun davart sistems e davart soluziuns da problems.

Voss profil: Per questa activitad multifara vegn premessa ina persunalitad independenta e fidada che stima il contact cun la clientella e che lavura gugent en in team che funcziuna bain. Er sut squitsch da temp essas Vus abla u abel da liquidar las incumbensas en moda structurada ed exacta.

Vus essas disada u disà da lavurar cun products da la paletta da Microsoft en in ambient da manaschi. Ultra da quai avais Vus experientscha pratica en il sectur pachetaziun da software e scripting.

Vus enconuschais fitg bain ils process ITIL e savais applitgar quels en il manaschi. Sco basa disponis Vus d'in emprendissadi d'informatica terminà u d'in auter emprendissadi terminà cun ina furmaziun supplementara approfundada sin il champ d'incumbensas.

Grad d'occupaziun: 80–100 %

Cumenzament da la lavur: tenor cunvegna

Lieu da lavur: Cuira

Termin d'annunzia: 31 d'october 2021

Persuna da contact: Sandro Bühler, telefon 081 257 73 83, sandro.buehler@kapo.gr.ch

Nus ans legrain da Vossa annunzia electronica cumpletta.