L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader dal lavuratori per Mesauc (80–100 %)

Uffizi da construcziun bassa, district 2 Mesauc

Stradon 117

6563 Mesauc

Voss champ d'incumbensas: Sco manadra u manader dal lavuratori manais Vus la garascha ed il lavuratori dal district 2 Mesauc cun in pitschen team da collavuraturs. Vus avais la responsabladad per in lavuratori che funcziuna senza disturbis, per il mantegniment e per la controlla dal parc da vehichels, da maschinas e d'iseglia sco er per la planisaziun da novas acquisiziuns.

Voss profil: Vus avais terminà ina scolaziun professiunala sco mecatronista u mecatronist d'autos, direcziun "vehichels utilitars", sco mecanista u mecanist da maschinas agriculas u avais absolvì ina scolaziun equivalenta en ils secturs "maschinas da construcziun" e "tecnica communala". Plinavant avais Vus absolvì la furmaziun supplementara da coordinatura u coordinatur da lavuratoris d'autos u ina scolaziun equivalenta. Grazia a Vossas enconuschientschas spezialas approfundadas rimnadas durant plirs onns sco er a Vossas experientschas da direcziun essas Vus abla u abel d'exequir las incumbensas pretensiusas che pretendan gronda responsabladad. Vus essas ina persuna flexibla ch'è abla da supportar squitsch e da lavurar en in team, e Vus avais la prontezza da lavurar sezza u sez mintga di activamain en il lavuratori sco er da prestar servetschs da pichet. Per questa plazza vegni premess che Vus hajas il permiss da manischar da la categoria C/E. Bunas enconuschientschas dal talian e dal tudestg a bucca ed en scrit èn cundiziun per questa plazza.

Grad d'occupaziun: 80–100 %

Cumenzament da la lavur: 1. da settember 2021 u tenor cunvegna

Lieu da lavur: Mesauc

Termin d'annunzia: 30 da fanadur 2021

Persuna da contact: Andrea Peduzzi, telefon 091 822 81 15

Nus ans legrain da Vossa annunzia electronica cumpletta.