L'administraziun chantunala – ina patruna moderna per collavuraturas motivadas e collavuraturs motivads sco Vus.
secretaria u secretari (80–100 %)

Uffizi d'agricultura e da geoinfurmaziun

Ringstrasse 10

7001 Cuira

Voss champ d'incumbensas: Il UAG cun sias circa 50 collavuraturas e collavuraturs è responsabel per exequir la politica agrara da la Confederaziun, el surveglia las meglieraziuns da structura en l'agricultura sco er ils biros dals inschigners geometers e maina il sistem d'infurmaziun geografica dal chantun. L'administraziun è l'element central per il sustegn da la direcziun da l'uffizi. Sco nova collavuratura u nov collavuratur administrativ sustegnais Vus en in pitschen team las collavuraturas ed ils collavuraturs da l'uffizi en lur incumbensas multifaras ed interessantas ed en tut las activitads administrativas. Vus liquidais independentamain lavurs da secretariat pretensiusas ed essas cunresponsabla u cunresponsabel per l'assistenza da las emprendistas e dals emprendists.

Voss profil: Vus avais terminà in emprendissadi commerzial u ina scolaziun equivalenta. Fitg bunas enconuschientschas dals products da Microsoft Office vegnan premess. Experientschas cun il sistem per administrar las fatschentas CMI Axioma èn d'avantatg. Plinavant avais Vus experientschas praticas dal sectur da secretariat ed in bun dun organisatoric. Ina moda da lavurar independenta, fidada ed exacta sco er in bun dun receptiv As distinguan spezialmain. Vus essas ina persuna flexibla ch'è abla da supportar squitsch e Vus savais fitg bain tudestg a bucca ed en scrit. Enconuschientschas dal rumantsch e/u dal talian èn d'avantatg.

Grad d'occupaziun: 80–100 %

Cumenzament da la lavur: 1. da november 2021 u tenor cunvegna

Lieu da lavur: Cuira

Termin d'annunzia: 31 da fanadur 2021

Persuna da contact: Sven Schegg, telefon 081 257 24 55, sven.schegg@alg.gr.ch

Nus ans legrain da Vossa annunzia electronica cumpletta.