L'administraziun chantunala – ina patruna moderna per collavuraturas motivadas e collavuraturs motivads sco Vus.
assistent(a) per las abitantas ed ils abitants dal center d'expulsiun Flüeli a Valzeina (80–100 %)

L'Uffizi da migraziun e da dretg civil

Karlihof 4

7001 Cuira

Voss champ d'incumbensas: Vus surpigliais incumbensas en l'administraziun ed en l'assistenza sco er en il servetsch d'economia da chasa e da sanadad dal center d'expulsiun Flüeli. Sper Vossas incumbensas persunalas sustegnais Vus las ulteriuras collavuraturas ed ils ulteriurs collavuraturs en tut las lavurs en e vi dal center e surpigliais las substituziuns. Dal manager da crisas fin al generalist medicinal disponis Vus da bleras abilitads. Vus stimais in manaschi animà cun persunas da differentas vegliadetgnas ed etnias ch'èn obligadas da partir da la Svizra. Ultra da quai essas Vus pronta u pront da far servetsch da pichet ordaifer las uras da lavur usitadas.

Voss profil: Vus avais terminà ina scolaziun da basa administrativa u medicinala u avais enconuschientschas dals secturs menziunads. Vus essas disada u disà da lavurar en in pitschen team en moda independenta sco er orientada a las finamiras ed a las prioritads. Vus avais bunas enconuschientschas dal computer e Vus avais plaschair da lavurar cun persunas d'autras culturas. L'agid a questas persunas cun pled e fatg en la vita da mintgadi resguardais Vus sco sfida captivanta. Vossa flexibilitad e Vossa abilitad da lavurar en in team, Voss domicil en ils conturns da la vischnanca da Grüsch, Vossas enconuschientschas da linguas estras ed il permiss d'ir cun autos da persunas cumpletteschan Voss profil.

Grad d'occupaziun: 80–100 %

Cumenzament da la lavur: 1. d'october 2021 u tenor cunvegna

Lieu da lavur: Valzeina (vischnanca da Grüsch)

Termin d'annunzia: 30 da fanadur 2021

Persuna da contact: Armin Bühler, telefon 081 257 63 40, armin.buehler@afm.gr.ch u Barbara Grazia, telefon 081 257 25 23, barbara.grazia@afm.gr.ch

Nus ans legrain da Vossa annunzia electronica cumpletta.